Dili-tuir planu Federasaun Futebol Timor Leste (FFTL) no orgaun Liga Futebol Timor Leste (LFTL) ne’ebé fó sai iha inkontru foin lalais ne’e katak jogu Epoka ida ne’e sei hala’o iha loron 18 fulan Agostu.
Tanba ne’e Klube sira husu Bá FFTL no LFTL atu halo inkontru ho klube atu ko’alia kona-ba oinsá mak atu realiza jogu ne’e iha fulan Agostus.
Sekretáriu Jerál Karketu Dili Fc Elezeu Izaac hateten,ami rona informasaun ida ne’ebé mak FFTL ho ita nia LFTL desidi fali ona katak iha fulan Agostu atu establese fali ona ita nia liga,entaun ita agradese tanba jogador no trenador sira bele iha fali ona sira talentu.
“Agora kestaun ida mak ami klube senti seidauk klaru maka depois rona informasaun katak Agostu hahú liga,maibé ami ate data ami seidauk simu konvite ruma atu halo inkontru”dehan Elezeu bá jornalista iha Bairu Grilos segunda (04/07)
Nia konta,klube Karketu prontu ona atu kompete,atu hakiduk ami la hakiduk,maibé ita hotu joga tenki senti satifas,entaun ami nia hakarak tenki iha inkontru lai ho LFTL no FFTL atu nune’e jogu la’o karik ho furak.
“Ami husu atu inkontru ne’e tanba klube sasán ne’ebé sensitivu liu mak finansial soport tanba ida ne’e mak ita perzisa inkontru hamutuk lai hodi honestu bá klube sira”dehan Elezeu
Sei ami rona de’it iha dia 18 Agostu liga ne’e la’o depois ami bá buka ona jogador halo kontratu,sei kontratu ona entaun klube tenki gasta ona bá jogador sira.
Depois klube sira gasta tiha mak jogu ne’e adia hela de’it,entaun klube tinan-tinan mak sai hela de’it vitima.
Entertantu,jogador klube Karketu Dili Fc nian agora 70% maka hamutuk hela ho ami no Karketu mós sei kontinua halo negosiasaun hela jogador estranjeiru.
About Post Author
 no orgaun Liga Futebol Timor Leste (LFTL) ne'ebé fó sai iha inkontru foin lalais ne'e katak jogu Epoka ida ne'e sei hala'o iha loron 18 fulan Agostu.){kind=link}