DILI – Asian Football Confederation (AFC) deside kansela grupu tolu hanesan grupu G, H no I iha jogu Play-off AFC cup 2021, tanbá situasaun COVID 19 sai makas iha rejiaun ASEAN.
Grupu tolu ne’ebé mak AFC kansela hanesan, grupu G, Hanoi, Bali United, Boeung Ket, Winners of Asean, grupu H Kedah Darui Aman, Saigon, Persipura Jayapura, grupu I Visahka, Lalenok United, Teranggunu, Geylan International.
Tuir Deputi Federasaun Futebol Timor Leste (FFTL) Frederico Martins hatete, bazeia ba karta ida ne’ebé mak fo sai husi AFC iha 7 Jullu tinan ne’e katak kansela tia jogu Play Off AFC cup.
“Razaun ne’ebé mak AFC foti hodi kansela jogu Play off, tanbá nasaun iha ASEAN lakoi atu sai uma nain ba jogu Play Off refere, tanbá ho situasaun pandemia COVID 19 sai makas iha rejiaun ASEAN” relata Frederico ba jornalista iha nia kna’ar fatin Bairu Grilos segunda (12/07).
Nia relata, situasaun ida ne’e ba deit rejiaun ASEAN, maibe iha nasaun Arabia sira jogu kontinua lao.
“Ho informasaun husi AFC fo sai hodi kansela ba jogu refere, ami kontaktu kedas ba lideransa maximu klubu Lalenok United hodi fo razaun ba klubu Lalenok United.
Frederico sublina, AFC laos kansela total ba jogu Play off, maibé signifika jogu tinan ida ne’e klubu ne’ebé mak kampiaun nia bele rezolve lisensiamentu klubu, entaun nia bele ba tuir fali jogu Play off AFC cup iha tinan oin.
About Post Author
