DILI-Federasaun Futebol Timor Leste (FFTL) no Liga Futebol De Timor Leste (LFTL) anunsiu ona kalendariu ba jogu tolu hanesan Copa FFTL, jogu primeiru divizaun, segundu divizaun no taca 12 Novembro realiza iha dia 20 de Agostu 2021.
Tuir diretur relasaun Publik LFTL Diogo Neto Fraga hatete, iha epoka tinan ne’e FFTL no LFTL iha kompromisiu hotu hodi previstu ona iha kalendariu ba jogu tolu ne’e mak sei hala’o iha dia 20 de Agostu 2021.
“iha jogu dahuluk ne’ebé mak FFTL no LFTL organiza mak, primeiru sei hahu uluk Copa FFTL no kontinua kedas ho jogu liga primeiru divizaun, segundu divizaun no taca 12 novembro” dehan Diogo ba jornalista iha salaun FFTL sesta (09/07).
Nia hatutan husi kompromisiu ne’ebé mak federasaun no liga fo sai katak klubu sira sei hahu rejistu iha dia 12 de Julho no sei remata dia 12 fulan Agostu tinan ne’e.
Kona ba mundansa do jogu, ami preve ona iha kalendariu katak sei uza sistem “stenga kompetisi” ba primeiru divizaun no segundu divizaun no Pota fora ba jogu Copa FFTL no mos taca 12 Novembro.
Sorin seluk Deputi FFTL Fransico Martins informa, kona ba regulamentu husi parte saude nian ba jogu tolu ne’ebé mak sei realiza iha fulan Agostu tinan ne’e.
“ami halo ona lina kordenasaun ho Sentru Intregadu Gestaun de Crize no dokomentu sira ne’e hetan ona aprovasaun husi sira”
Nia haktuir kona ba regulamentu ne’ebé mak husi parte FFTL no LFTL sei aplika iha jogu tolu ne’e mak sei hahu iha Fulan Agostu tinan ne’e sei la asisti husi Adeptos.
Maibe sei hare lai ba vasina iha Timor atinji ona 80%, ami sei autoriza adeptos sira sei asisti jogu refere. (Eug).
About Post Author
