Dili- Treinadór husi FC Aitana fó lia i’is ba ekipa FC Porto Taibesi katak, aban sei hala’o jogu prelemináriu iha grupu C, manan ka lakon 90 minutus mak termina.
Hateten treinadór FC Aitana João Samanta de Souza liu husi via telfone ba jornalista Desportu.xyz, Kuarta (27/08/2020).
Tuir nia katak, ekipa Aitana FC optimista aban bele fó rejultado di’ak iha jogu ne’e rasik, tanba nia ekipa mós preparadu atu hasoru ekipa Portu Taibesi.
“Ba ami prepara aán de’it atu ba joga, manan ka lakon ne’e 90 minutus mak termina”. Nia afirma.
Tanba ne’e, nia esklarese tan, iha jogu nia laran ekipa ida la hakfodak ekipa seluk, tanba futebol ne’e arte ida diferente husi modalidade seluk, ne’ebé hatudu amizade oinsa halibur adeptus sira nia matan liu husi bola iha kampu laran.
“Ba ami bola kabuar, tanba ita tebe mak bola, ne’ebé la hakfodak atu hasoru ekipa se de’it”. Nia promete.
Treinadór ne’e mós dehan tan, bainhira nia jogadór sira manan iha faze dahuluk ne’e, nia ekipa bele to’o iha 8 finais.
Enkuantu, treinadór ne’e haktuir tan, daudaun ne’e nia jogadór hamutuk 24, maioria jogadór rai laran no estranjeiru ida husi Ivory Coast ho naran Rony mak haforsa hela nia ekipa. (Vidal).
About Post Author
