DILI-Ekipa Fitun Estudante loro Sa’e hatudu rezultadu di’ak hafoin finaliza 90 minutu hasoru ekipa Nagarjo FC, hodi kompete preliminár iha grupu C iha Jogu kopa FFTL 2020.
Ekipa rua tun ho formatu hanesan 4-3-3. Árbitru Pedro Maia (Apeu) huu apitu Kick komesa iha oras 16:00, no jogu hahú. Dezde minutu inisia ekipa Nagarjo FC kontrola bola hodi lansa atake no hamosu shoot barak. Kompara ho FIEL ne’ebé hamosu de’it bola ameasa ida maibé la konverte golu mezmu mesak hateke malu ho guarda rede.
Iha minutu 7, Nagarjo hamosu atake no crossing hosi liman loos, maibé jogadór ne’ebé ho pozisaun mesak iha rede la estimula bola sai golu no bola semo ba li’ur.
Iha minutu 12 Nagarjo hamosu uluk golu iha jogu ne’e liu hosi bola barullu ne’ebé hamosu hosi jogadór Julião Ximenes hodi aproveita direct free Kick hosi kantu liman loos.
Iha minutu 20, Nagarjo halo kontra atake no pasajen bola long, akontese offside.
Durante minutu 20 Nagarjo domina liu bola no lansa atake barak, obriga treinadór FIEL fera ulun, desizaun hosi eis Treinadór Aitana FC iha 2015, Mohamad Niko troka fali jogadór kamizola 22(Bomfere Carvalho) sai no hatama fali jogadór iha lista ho kamizola 11 (Alitu da Crus), ho pozisaun defeza, maibé tun iha kampu ho pozisaun atakante direita.
Rezultadu 1-0 metin to’o árbitru Apeu huu hodi hapara no fo deskansa ekipa rua iha minutu 15 nia laran.
Iha jogu segunda parte hahú ekipa Fitun Estudante foin halo adaptasaun ba malu liu hosi pasajen bola badak ain ba bain, nune’e FIEL hetan ona ritmu jogu oinsá lansa atake.
Durante segunda parte jogadór na’in tolu avansadu FIEL nian ho dixiplina hodi fó atensaun hodi la abandona metru rua besik liña sentrál, realidade hatudu bola ne’ebé foti hosi grande area bainhira hetan ona presaun iha momentu liña kotuk Nagarjo nian Longar, fó biban jogadór kamizola 11, ho atake na’in rua seluk dudu atake ba oin. Hosi servisu ekipa avansadu FIEL nian na’in tolu lori rezultadu liu hosi kamizola 11 halo asist ida rezulta golu iha minutu 71 ho minutu 84.
Golu rua hosi FIEL ne’e mantein too árbitru ‘Apeu’ huu minutu ikus nian fó sinál jogu termina no vitória pertense ba fitun Estudante ho golu 1-2. (augusto)
About Post Author
