DILI – Treinadór Boavista de Timor, Miro Valdo Bento kontente ho rezultadu ohin kontra Emanuel FC 2-0 halo Boavista rekolla ona Pontu 3, maibé triste ba jogadór sira seidauk hatudu jogu di’ak.
Fó hanoin katak Boavista hanesan ekipa ida ne’ebé mak konsege hetan títlu kampiaun iha époka terseru Liga Futebol Amadora primeira divizaun no époka datoluk nia okupa de’it iha terseru pozisaun.
Iha tinan ne’e Boavista mai compete iha copa Federasaun Futebol Timor Leste FFTL ho jogadór local inklui jogadór estranjeru na’in ida kompara ho tinan kotuk nakonu ho jogadór estranjeiru na’in tolu.
“Ha’u kontente ho resultadu 2-0 kontra Emanuel FC hodi halo ami hetan ona pontos 3,maibè tristi oituan tanbà jogador Boavista la hatudu jogu diak,”deklara Miro ba jornalista iha estadion munisipal Dili kinta (03/09).
Nia afirma hanesan trenador tristi ho jogador Boavista sira la hatudu jogu diak hanesan jogu da uluk kontra Ad SLB, maske lakon 3-2 maibe SLB hetan presaun makas husi Boavista. (eugenio)
About Post Author
