Dili-Prezidenit Klube Emmanuel Fc Aleixo C.X Monteru Abansa husu Asosiasaun Munisípiu sira hotu atu hamosu mosaun Sensora iha kongresu anual hasoru prezidenti Federasaun Futebol Timor Leste (FFTL) wainhira nia la kumpri nia promesa ne’ebé fó sai ona iha krongresu fulan kotuk.
“Bá ha’u komprimisiu ne’ebé mak prezidente FFTL eleitu la kumpri nia promesa iha tinan ne’e,ha’u hanesan dereitu de votus Ezizi nafatin nia no mós husu bá Asosiasaun sira tenki hamosu mosaun Sensora hodi hasai prezindeti FFTL” tenik Aleixo bá jornalista iha sede Emmanuel hudi laran kuarta (03/08)
Nia deklara, ha’u Ezizi nafatin prezidente atu halo tuir estatutu no rezimentu ne’ebé hatur iha FFTL
“Ha’u mós husu bá Asosiasaun sira labele taka matan, sei wainhira tinan ida ne’e mak Asosiasaun sira hare katak ho lideransa ida ne’ebé ita fó votus la di’ak,ita bele Hamosu mosaun Sensora hasoru nia iha kongresu anual tuir mai hodi hasai nia.”
Prezidenti klube Emanuel ne’e sublina,agora ne’e fila fali bá Asosiasaun sira tanba ha’u votus ida, maibé Asosiasaun sira lakohi ida ne’e,entaun sira labele halerek tanba imi mak hili prezidenti FFTL Francisco Jeronimu.
Aleixu afirma liu tan,ha’u rona informasaun katak Asosiasaun sira mós osan seidauk tama,entaun imi fó votus bá nia tenki ko’alia.
Rekorda fali katak,antes ne’e prezidenti FFTL Francisco Jeronimu fó sai ona iha nia komprimisio iha kongresu foin lalais ne’ebé hala’o iha Hotel Novu Turizmu iha loron 26 fulan Fevereiru tinan ne’e.
Iha nia komprimisio katak,nia sai eleitu bá prezidenti nia sei realiza Futebol juvinil tinan-tinan iha Munisípiu no formasaun bá Grassroots husi labarik tinan 8 to’o bá 10 tenki la’o makas husi Munisípiu.
About Post Author
