Dili-(Desportu XYZ) Klube primeru devizaun no segundu devizaun no públiku hotu ne’ebé mak hadomi Futebol sei halo asaun Pasifico ida hasoru Prezidenti Federasaun Futebol Timor Leste (FFTL) Francisco Jeronimu hodi husu atu esklarese tanba saida mak liga seidauk la’o to’o agora
Asaun ne’ebé mak klube sira sei halo tanba antes ne’e prezidenti FFTL fó sai ona ba públiku katak liga sei hala’o iha fulan Agostu tinan ne’e tuir Kalendariu FIFA nian.
Maibé hela de’it ona fulan rua tama bá tinan foun i to’o agora laiha Kalendariu fixu ida atu realiza liga iha tinan ne’e.
Tanba ne’e prezidenti Assalam Fc Ipolitu Soares haktuir,nudar presidente do clubu ha’u lamenta tebes ho FFTL ne’ebé promesa bo’ot mais na realidade zero.
“Ami klube sei la nonok , dadauk ne’e halo hela preparasaun para halo ezizencia ida ba Federasaun hamutuk ho publiku ne’ebé gosta bola i Iha semana ne’e sei halo asaun pasifico ida hasoru FFTL” afirma Ipolitu bá Desportu XYZ liu husi Via Whatsaap segunda ne’e.
Nia dehan, ami klube sira nia asaun atu halo ne’e hodi Ezizi FFTL atu esklarese tanba saida mak liga la la’o no husu mós bá Prezidenti FFTL sei labele ona Lidera FFTL di’ak liu resigna’an.
Rekorda fali katak, governu liu sekretáriu Estadu Juventude no Desportu SEJD Aumenta ona orsamentu husi $ 200 mil bá $240 mil no FFTL tau $ 200 mil.
no iha semana kotuk Sekretáriu Estadu Juventude no Desportu Abrao Saldanha mós husu bá LFTL ho FFTL atu submete proposta bá SEJD hodi hasae ona orsamentu atu bele organiza liga.
About Post Author
