DILI- Federasaun Cricket Timor Leste (FCTL) seidauk fó formasaun bá sira nia trenador no arbitrazen tanba tinan ne’e sira hasoru hela difikuldade kona-ba orsamentu
Cricket hanesan Federasaun ida hamahan bá Confederasaun Desportu Timor Leste (CDTL) no Federasaun Cricket mós tama hotu iha lista Sea Games 2023.
Sekretariu Jeral Federasaun Cricket Timor Leste, Mariana Ximenes hateten, atividade Cricket la’o nafatin maibe formasaun bá treinador mak seidauk iha.
“Formasaun bá treinador sira seidauk iha tanba orsamentu mós laiha, ami mos hatama proposta bá Sekretáriu Estadu Juventude no Desportu (SEJD),maibe seidauk iha apoiu no ita hein tok ba iha tinan oin”dehan Mariana bá jornalista iha Tuana Laran tersa (02/08)
Nia haktuir, total atleta Cricket iha Timor Leste agora dadaun hamutuk 300, Maibé hare tok wainhira iha kampionatu nasionál bele hatene sira ativu ka lae.
“Kona-ba preparasaun ami kontinua treinu, maibé treinador prinsipal volontariu deit labele obriga se kuandu nia iha tempu nia bele fó treinu”
Mariana sublina, sira mós submete ona proposta bá SEJD hakarak atu halo treinamentu bá treinador no arbitrazen tanba sira ne’e mak fokus liu ba atleta sira, na realidade seidauk entaun hein katak 2023 bele.
Aleinde ne’e nia dehan, kona-ba lei baze desportu, sira priense hotu ona,no asosiasaun mak la to’o tanba husi lei baze desportu minimu asosiasiasaun tenki 7.
Maibé ami iha asosiasaun 3 i difikuldade bá ami mak ne’e ami iha estrutura iha asosiasaun iha munisipiu hotu se laiha atleta entaun hanesan deit. “Ami nia proposta bá SEJD ne’e sei fó formasaun bá treinador no arbitrazen iha ona ami sei loke hotu ba iha Munisípiu hotu hotu inklui RAEOA no Atauru”
About Post Author
 no Federasaun Cricket mós tama hotu iha lista Sea Games 2023.){kind=link}