Dili- Federasaun Futebol Timor Leste (FFTL) Kestiona Comite Olimpicu Násional Timor Leste (CONTL) la partesipa iha inkontru avaliasaun bá eventu Sea Games ne’ebé mak foin lalais realiza iha fulan Maiu tinan ne’e iha Hanoi Vietnam.
Iha avaliasaun ne’ebé mak Confederasaun Desportu Timor Leste (CDTL) realiza ne’e tuir loloos CONTL Marka nia prezensa,maibé avaliasaun refere Partesipa de’it husi Sekretáriu Estadu Juventude no Desportu (SEJD) liu husi nia reprezentante Deritora Alta Kompitisaun Maria Luzia no Federasaun 7 ne’ebé mak foin lalais ne’e Partesipa iha eventu refere.
Tanba ne’e Sekretáriu Jerál FFTL Gregorio Correa hateten,hanesan Federasaun ida ne’ebé hamahon A’an iha CDTL no CONTL nian,ohin ami mai iha avaliasaun ne’e atu deklara katak,oinsá ami nia atleta sira bá no fila fali mai ho kondisaun di’ak no a’at.
“ohin ne’e ami hein Vice prezidenti CONTL Mateus da Cruz no Vicente Carvalho atu esplika dataliho bá ami, maibé ohin sira la partesipa iha avaliasaun refere”dehan Gregorio bá jornalista sira iha CDTL segunda (01/08)
Nia informa,ami la kestions bá buat ne’ebé sira hala’o,maibé ami hakarak aprezenta bá SEJD,CDTL no CONTL katak iha avaliasaun ne’e ita bele halo no perpara buat hotu mós kuandu kondisaun no orsamentu laiha ita labele halo buat ida.
“Ami nia hakarak CONTL ohin Partesipa iha avaliasaun ne’e hodi husu bá CONTL katak, regulamentu ne’ebé atu bá tuir eventu internasional ruma,CONTL tenki fahe bá Federasaun sira antes fulan ida”
Nia sublina liu tan katak,atleta husi Federasaun hirak ne’e, barak liu mak Futebol tanba bola nia regra ne’e la hanesan ho regra ne’ebé CONTL kria.
Iha eventu Sea Games ne’e Futebol faliha total tanba CONTL lori ema bá,emigrasi tahan tha, no ami husu sira atu bá ko’alia de’it mós susar.
“Ha’u sujere bá CONTL katak lori atleta bá ne’e tenki fuan di’ak no kakutak di’ak tanba la’ós hare de’it bá atleta ida de’it,maibé tenki trata atleta hotu hanesan Timor oan”
Tanba ne’e ami rekomenda bá SEJD no CDTL bele konvida fila fali CONTL mai hodi inkontru fali atu nune’e buat sira Faliha ne’e bele hadia iha futuru. Entertantu,iha avaliasaun ne’e Partesipa husi Federasaun 7 mak hanesan, Taikwondo,Boxing, Atletismu, Karate-do,Futebol, Natasaun no Hartefelismu.
About Post Author
 realiza ne'e tuir loloos CONTL Marka nia prezensa,maibé avaliasaun refere Partesipa de'it husi Sekretáriu Estadu Juventude no Desportu (SEJD) liu husi nia reprezentante Deritora Alta Kompitisaun Maria Luzia no Federasaun 7 ne'ebé mak foin lalais ne'e Partesipa iha eventu refere.){kind=link}