Dili-Antes ne’e Federasaun Futeból Timor Leste (FFTL), fó sai ona katak, kompetisaun liga Timorense sei realiza iha loron 18 fulan Agostu tinan ne’e, maibé to’o oras ne’e ladauk iha informasaun klaru ba klube sira.
Situasaun ne’e, halo klube rua husi primeira divizaun nian, hanesan Emmanuel Fc no Aitana Fc, ejiji ba Presidente Federasaun Futeból Timor Leste (FFTL) Francisco Jerónimo, atu tur hamutuk ho órgaun Liga Futeból Timor Leste (LFTL) nian, hodi fó informasaun klareza ba klube sira, kona-ba liga époka tinan ne’e.
Presidente Klube promovidu ba primeiru divizaun époka kotuk, Emanuel FC, Aleixo de Carvalho, sente preokupa tebes tanba, tama ona iha fulan Agostu nia rohan, maibé órgaun FFTL ladauk tur hamutuk ho LFTL, hodi fó informasaun klaru ba klube sira.
“Hanesan Presidente klube Emanuel FC, sente triste tebes, tanba to’o oras ne’e, órgaun FFTL ho LFTL seidauk iha sorumutuk ida ho klube sira, kona-ba realiza liga iha époka tinan ne’e”. Aleixo hato’o preokupasaun ne’e, iha nia sede Klube Emanuel FC, Hudi Laran-Dili, Tersa (03/08).
Nia mós rekomenda ba Sekretáriu Estadu Juventude no Desportu (SEJD), Abrão Saldanha Nokosiko, inklui órgaun rua husi FFTL no LFTL, atu tur hamutuk hodi rezolve lalais liga iha époka ne’e.
Entretantu Sekretáriu jerál klube Aitana Fc, João Samantha mós hato’o nia preokupasaun katak, federasaun la preokupa ona liga. Tanba ne’e nia sente iha futuru ema hotu sei lakon konfiansa ba mundu futeból iha Timor Leste. Federasaun labele nonok de’it, se liga la la’o ne’e tanba osan mak la iha ka oinsa? Tenki hatete mai klube sira atu labele sai vítima, tanba iha fulan kotuk loke tiha janela transferénsia jogadór, maibé realidade liga la realiza. Samantha prekupa.
About Post Author
 Francisco Jerónimo, atu tur hamutuk ho órgaun Liga Futeból Timor Leste (LFTL) nian, hodi fó informasaun klareza ba klube sira, kona-ba liga époka tinan ne’e.){kind=link}