DILI – Jogu entre karketu Dili ho Portu Taibesi iha kualifikasaun preliminar grupu atrai duni adeptu hakilar, silensiu no foti ulun hateke tui tuir, bola derije adeptu sira nia matan no adeptu sira tutur liman ba ulun haklalak hakilar anima jogu to’o 90 minutu.
Ekipa rua hatudu jogu ne’ebé rekonhese hosi adeptu ne’ebé asiste jogu refere iha estadiu munispal Dili, sabadu, (12/09/2020) nudar jogu ne’ebé ho kualidade dezde minute dahuluk kick off to jogu termina.
Iha minute 3, Krketu Dili loke ameasa dahuluk liu hosi jogador kamizola 10, neebe suta hosi dook on target maibe guarda rede FC Portu taibesi, kamizola 1(Gelvanio Tilman) ho susesu asegura salva bola ameasadahuluk ne’e.
La tuur nonok, FC portu mos lansa ameasa iha minute 8, akontese bola crossing neebe aserta ba jogador kamizola 10, Felipe da Crus, bola ne’e ho presaun boot halo guarda rede karketu Dili FC, kamizola 20 (Franki d silva) halo salvasaun miabe bola konsege muta no bola out.
Iha minute 10, publiku iha estadiun municipal Dili tenke hiit ulun no haklalak hamanas jogu tanba jogador karketu Dili, Gelvanio Da Silva marka suta ida iha risku penalidade laran sorte la afilia halo bola bola semo as mihis tula iha kois besi leten.
Iha minute 25, jogador FC Portu, kamizola 10 (Felipe) ho kamizola 14 Felis halo kombinasaun furak ne’ebé hamosu atake ameasa, maibe guarda rede karketu Dili, Franki sempre sai nudar ema ikus liu halo salva rede karketu nian.
Iha minute 38, adeptu sira tenke hakilar manas liu tan tanba jogador portu taibesi kamizola 7 (Marcelino) halo pasajen ba felipe hodi shoot bola refere semo as no mihis hosi rede leten.
Portu taibesi halo presaun furak iha minute 40 kobinasaun lina oin solidu no sempre kontrola bola hodi dudu besik ba are 16, jogador kamizola 14 loke tan bola pasajen iha anin leten linha kotuk iha area risku karketu mihis, jogador kamizola 9 Lazio Piedade ho seguru uza ninia ulun dere bola ba rede laran hodi hamosu golu 0-1. Golu refere taka primeira parte FC Portu lidera jogu.
Tama fali segunda parte, ekipa rua sempre torka presaun no sutu ameasa ba malu, akontese erru hosi guarda rede Portu Taibesi iha minute 56, tanba bola ne’ebé nia kaer no atu joga nia sei soe tun ba rai hanesan basket, halo arbitu Francisco Ferreira halai tun ba area risku hodi indika free kick iha area risku laran.
Gelvanio nudar ezekutador free kick suta maibe bola refere aas liu halo guarda rede adversariu hamnasa oin midar.
Presaun manas kontinua akontese hosi karketu Dili sorte diak ba karketu Dili hamosu golu iha minute 83, maibe deiszaun arbitu Francisco anula tanba juiz linha hatudu katak bola crossing refere crossing no mihis foraa hosi goal line.
To arbitru huu minute ikus nian, vitoria pretense ba FC Portu Taibesi antigun klube iha Dili ne’e no atual joga iha divizaun segundaa ne’e hadau pontu 3 hosi karketu Dili, hodi rekoilla total pontu 6 hosi hogu anterior manan Aitana FC. (Eugenio)
About Post Author
