Dili – Ponta Leste hanesan ekipa primera divizaun, hakarak mantein nafatin istória ne’ebé antes ne’e hakerek ona iha sira nia klubu, tanba DIT sei dauk hetan vitória husi sira.
Tan ne’e, tuir assistante treinadór Ponta Leste, Edi Fernandes iha konfrénsia imprensa hateten, garante iha jogu taxa 12 Novembru tinan ne’e, sira sei manan tan DIT, hodi hakat ba faze tuir mai.
“Tuir istória ne’ebé iha, DIT seidauk manan ami iha jogu sira ne’ebé liu ba, ne’ebé iha jogu ba taxa ne’e mós ami tenki mantein para manan sira”.
Hateten assistente treinadór ne’e iha LFTL Xanana Sport Centre, Sexta (27/11/2020).
Nia mós realsa, jogu ida ne’e hanesan determinasaun ba sira hodi hakat ba faze kuatru finais nian, ne’e duni sira sei tun ho ekipa ne’ebé kompletu, hodi hasoru nia adversáriu, tanba nia konsidera DIT mós hatudu jogu ne’ebé di’ak tebes.
“Hanesan ekipa primera divizaun, hasoru segundu divizaun hanesan DIT, sira mós hatudu jogu ne’ebé di’ak, tanba sira hasoru Karketu sira manan, tanba ne’e, Ponta Leste preparadu atu hasoru DIT.
Nune’e mós treinadór ne’e iha optimista hakarak nia ekipa tenki manan iha jogu ne’e rasik, tanba istória Ponta Leste manan DIT dala rua ona.
Enkuantu nia afirma, Ponta Leste foin semana kotuk joga kontra ekipa segundu divizaun Aitana Fc, tan ne’e iha oportunidade ba Ponta Leste deskansa semana hodi prepara atu hasoru DIT.
About Post Author
