DILI-relasiona ho jogador nain 4 no official ida ne’ebé mak la haforsa Timor Leste kontra Filipina iha jogu AFF U-23 segunda ne’e, tanbá jogador sira ne’e hetan Positivu Covid 19.
Jogador sira ne’e mak hanesan, Paulo Galy Freitas, Gumario Fernandes da silva Moreira, Horselu Nobelitu, Ameta no ofisial Juli.
Tuir adjuntu Sekretario Jeral Federasaun Fútebol Timor Leste (FFTL) Frederico Martins hatete, iha jogu primeru ita nia jogador balun labele reforsa ekipa Timor Leste kontra Filipina tanbá sira efeita hela teste covid 19 tanbá tuir portukolo sira to iha Cambodia submete kedas ba iha teste piser
“ho teste piser ne’e, Paulo Gali kontinua teste kedas antigen iha Aeroportu no Gali hetan kedas positivu Covid 19 no nain 4 seluk ba iha Hotel simu resultadu Piser hetan positivu covid 19, tanbá ne’e mak agora sira iha hela izolamentu Hotel keta” relata Frederico ba jornalista iha sede FFTL tersa (15/02)
Nia haktuir, tuir lei ka regulamentu positivu covid 19 iha Cambodia katak, pesoa ne’ebé mak positivu tenki to iha loron 9 depois mak halo teste dala ida tan iha loron 18 fulan ne’e.
Maibé ita nia jogu kontra Brunei iha loron 17 fulan ne’e, entaun ita nia jogador Paulo Gali ho nia kolega sira labele hala’o jogu kontra Brunei.
“ita tenta ona ho komisaun organizadora liu-liu parte mediku nian atu husu ba sira hodi halo teste loron antes ba jogu segundu nian, maibé ne’e laos kompetensia komisaun organizador nian tanbá ema nasaun ida-idak ho nia regulamentu, entaun sira mos tenki banati tuir regulamentu ne’ebé mak estabelese husi governu Canbodia nian”
Entertantu Timor Leste kontra Filipina iha jogu primeru AFF U-23 ho resultadu 2-2 no golu husi TL marka husi Mozinho da Lima iha menutu 5 no Jaimitu Soares iha menutu 55, enkuantu golu rua husi Filipina marka husi Ivan Quano iha menutu 45 no 62.
About Post Author
 Frederico Martins hatete, iha jogu primeru ita nia jogador balun labele reforsa ekipa Timor Leste kontra Filipina tanbá sira efeita hela teste covid 19 tanbá tuir portukolo sira to iha Cambodia submete kedas ba iha teste piser){kind=link}