DILI-Centru Futebol Juvenil Munisipiu Ermera laiha kampu ne’ebé mak diak atu hala’o treinamentu ba jogador juvenil sira husi sub 8,14 no sub 16, tanba to agora jogador sira treinamentu deit iha kampu ne’ebé mak nakonu fatuk laran.
Treinador Centru Juvinil Ermera Canizo do Rosario hato’o lia hirak ne’e ba jornalista sira, hafoin remata formasaun treinador lisensa B iha kampu demokrasia Dili tersa (15/02)
“ami nia difikuldade mak kampu tanba iha ne’ebá kampu la iha, ami trenu iha deit fatin sira luan ne’e tanbá kampu trenu ne’e nakonu deit ho fatuk rahun halo labarik sira nia ain sempre hetan kanek”
Nia haktuir, kona ba kampu, sira husi Centru Fútebol Juvenil Timor Leste ba hare ona maibé to agora jogador sira sei nafatin trenu hanesan ne’e.
Hanesan treinador preokupa tanbá jogador iha sentru juvenil Ermera hamutuk 103, sira trenu lor-loron, so iha loron kinta mak sira la trenu.
iha ne’ebá jogador sira ne’e maioria estudante deit, balu eskola iha tempu loraik no balu fali eskola iha dader, entaun orariu ba sira ne’ebé mak eskola loraik sira sira trenu fali iha parte dader, no jogador sira ne’ebé mak eskola iha dader sira trenu fali iha tempu loraik.
“ami iha ne’ebá treinador há’u ho asisten treinador ida ami na’in 2 deit, tanba ne’e dalaruma labele kobre hotu jogador sira atu fo trenu tanba sira barak liu depois ema atu fo trenu sira ne’e menus” dehan nia
Canizo haklaken, sei bele Centru Fútebol Juvenil Timor Leste aumenta tan treinador atu nune’e bele kobre hotu labarik sira ne’e Kona- ba ekipamentus jogador sira nian foin lalais sira husi Centru Fútebol Juvenil Timor Leste foin mak aloka ba Munisipiu, ne’ebé ekipamentus sira ne’e sei sufisiente hodi fo trenu ba labarik sira.
About Post Author
){kind=link}