DILI-ohin jogador nain 4 hanesan Paulo Gali Freitas, Gumario Moreira, Horselu Nobelitu no Nelson Viegas sei halo teste PCR segundu hodi hein resultadu ikus, tanbá ne’e aban posiblidade sira reforsa ekipa Timor Leste iha jogu segundu kontra Brunei.
Antes ne’e jogador Paulo Gali ho nia kolega na’in 3 la reforsa ekipa Timor Leste iha jogu primeru kontra Filipina, tanbá jogador sira ne’e hetan positive covid 19 hodi kumpri hela izolamentu durante loron 9.
Tuir treinador ekipa selesaun nasional Timor Leste Fabio Miciel hatete, jogador sira maioria bom preparadu no prontu ona aban joga kontra Brunei, tanbá jogu ne’e hanesan jogu perigu tanbá jogu desizivu mos ba ekipa sub 23 Timor Leste nian.
“kona-ba jogador Paulo Gali ho nia kolega na’in 3 ne’e, agora dadaun tenta para atu halo teste PCR ohin loron, sei karik mak negativu ita lori sira hamutuk ho ekipa hodi kontra Brunei iha jogu segundu AFF U-23” tenik Fabio liu husi video Zoom iha Bairu Grilos kuarta (16/02)
Nia haktuir, hanesan treinador nia tarzetu mak tenki hetan vitoria kontra Brunei atu hetan esperansa hodi bele hakat ba jogu tuir mai.
Kona-ba jogador na’in 4 nia kondisaun fisiku sira hotu iha kondisaun prima,tanbá hahu husi loron 11 to mai agora iha izolamentu,maibé sira kontinua halao trenamentu liu husi via Whatsaap ho trenador sira.
“hau hanoin jogador nain 4 ne’e laos jogador foun, tanbá jogador sira durante ne’e trenu hamutuk hela”dehan Fabio
Nia sublina,hau fiar katak ohin resultadu Paulo Gali nian ne’e bele hetan Negativu,atu nune’e jogu kontra Brunei aban ne’e hau bele hatun Gali iha 45 menutus.
About Post Author
