“Atu Partisipa  Iha Sea Games” CDTL Observa Preparasaun FEKATIL

DILI – relasiona ho eventu internasional Sea Games ne’ebé sei hala’o iha Hanoi Vietnam fulan Maio tinan ne’e no Timor Leste sei reprezenta federasaun 7, tanbá ne’e  Confederasaun Desportu Timor Leste (CDTL) hala’o vizita ba fatin treinamentu Federsaun Karate-do Timor Leste (FEKATIL) iha Delta hodi observa direita kondisaun no fasilidade ba atleta selesionadu sira ne’ebé atu partisipa iha eventu refere.

Iha vizita refere CDTL ba ho departamentu médiku husi CDTL, no iha  doutor nain 2 mak halo mós konsulta ba atleta selesaun nasionál husi FEKATIL sira nia saúde, no mos halo teste ba atleta sira nia saude

Prezidente CDTL Macario Sanches hatete, husi vizita ne’e atu hare direitamente atltea husi Federsaun Karate-do sira nia preparasaun ba Sea Games nian.

“hau  mai  vizita tan fali prepasaun Federsaun Karate-do para atu haree prepasaun atleta ba iha Sea Games Vietnam nian, no pontu rua importante iha ne’e mak hanesan, primeiru ha’u hakarak haree loloos kondisaun fasilidade ba atleta sira tanba fasilidade sufisiente mak atleta sira bele presta kualidade no ida fali atu haree loloos atleta sira nia kondisaun loloos ne’e oinsá” afirma Macario ba jornalista sira iha fatin trenamentu FEKATIL nian iha Delta kinta ne’e.

Nia haktuir, ha’u orgulu tanba atleta sira mesak esperiénsia iha tia ona no sira partisipa ona Sea Games dala rua iha tempu passadu

hare ba Kondisaun fizikamente hau  orgulu tanba atleta sira mesak altruas kompotetivu duni tuir  atleta FEKATIL, no sira mós bele hatudu buat ruma, ne’e para bele fó prova mai Konfederasaun katak atleta sira perparadu duni iha kondisaun di’ak para atu bele partisipa iha Sea Games Vietnam nian.

“ohin ha’u dehan ba sira tempu agora tempu udan nu’udar atleta la bele sai beibeik ba fatin públiku atu nune’e labele hetan moras Covid-19 no moras seluk ne’ebé mak dadaun ne’e iha Timor laran, tanba ne’e atleta sira tenke kuidadu nafatin sira nia saúde núne’e alimentasaun ne’ebé mak iha bele kontribui ba sira nia isin lolon no mós hasa’e sira nia kualidade no mós hasae sira nia forsa atu sira bele iha mental di’ak iha forsa bele kompete” dehan Macario

Tuir orariu CDTL sei vizita semana por semana  dalaruma semana ida dala ida ou semana ida dala rua, vizita Primeiru semana, semana para haree sira nia kondisaun saúde, dadus ne’ebé mak CDTL foti depois kompara fali dadus tuir mai para atu hare.

Nia esklarese, vizita tuir fali mai atu enkoraja nafatin sira tanba sira reprezenta hela Republika Demokratika Timor Leste (RDTL) entaun sira tenke mai nafatin fó motivasaun espiritu nasionalismu para bele kompete.

“Mesmu fasilidade minimu, maibé ho ita nia vizita, no prezente iha sira nia fatin bele mós fó direitamente  motivasaun ba sira para atu bele prepara di’ak hodi kompete” tenik Sanches

problema ne’ebé mak CDTL deteta iha fatin treinamentu ne’e mak kondisaun ladún di’ak, hanesan iha Boxing fatin nakloke entaun udan atleta sira labele ba treinu

“Ida fali mak ami deteta iha vizita ne’e ita seidauk haree loloos hanesan Atleta nasionál ne’e mak halo nusa loos tanba sira mai treinu ne’e reprezenta estadu no atleta ne’ebé mak eziste iha Timor Leste ida ne’e mak ami seidauk hetan ne’e mak sei falta”

Prezidenti CDTL ne’e husu ba Federsaun tenke fó motivasaun nafatin ba atleta sira tanba sira selesionadu ne’e la’ós de’it tanba hili mais ne’e liu husi selesaun kompetetiva mak mai to’o iha ne’e, entaun sira tenke tau aan hanesan atleta nasionál para ba kompete iha eventu internasional

Sikun seluk, Treinador FEKATIL Emilio Aparicio, Sente orgulu tebes tanba CDTL bele to’o iha sira nia  fatin hodi haree ho matan

“ami sente dehan katak ami la mesak mais nu’udar aman to’o mai iha ne’e fó motivasaun para halo ami kontente hodi treinu ho di’ak ba fiziku tekniku tatiku ho di’ak para ita bele kompete iha rai li’ur”

Nia mós Sujere ba CDTL vizita nafatin atleta sira tanba ho vizita ne’e motiva di’ak liu tan atleta sira no fanun sira hodi fó Treinamentu ba atleta ne’e ho maximu nune’e atleta sira bele hetan rezultadu di’ak iha Sea Games

Nia haktuir, atleta sira ne’e hahú ona iha mudansa kompara ho inisiu sira treinu tanba ne’e Treinador ne’e mós garante katak to’o iha fulan Maiuo atleta sira sei kondisaun ne’ebé mak di’ak hodi kompete.

reprezentante atleta FEKATIL Fidelis Soares, afirma nia parte sente Orgulu tanba prezidente CDTL bele marka prezensa iha sira nia fatin, núne’e husi parte relevante bele haree situasaun real ne’ebé mak atleta sira hasoru ne’e, nune’e sira bele hatene di’ak liu tan

fo haoin deit katak,antes ne’e Prezidente CDTL  halao nia vizita da huluk ba fati  perparasaun Federsaun Taikondow Timor Leste (FTTL) no mós Federsaun Boxing Amadora Timor Leste (FBATL)

Enkuantu Federsaun Karate-do Timor Leste ( FEKATIL) sei reprezenta atleta na’in 5 no tuir orario eventu Sea Games sei halao iha loron 12 fulan Maiu to’o iha loron 23 fulan Maiu tinan ne’e.

About Post Author