DILI-(Desportu XYZ) orsamentu 40 Mil ne’ebé mak Federasaun Futebol Timor Leste FFTL liu husi esko aprova ne’e la sufisiente atu realiza liga Futsal bá premeru devizaun no segundu devizaun tinan ne’e.
Tanba ne’e Asosiasaun Futsal Timor Leste AFTL halo aproximasaun ho FFTL bá orsamentu refere to’o agora seidauk iha Serteza.
Sekretáriu Jerál AFTL Fernando da Silva, haktuir ita nia proposta Kompitisaun bá FFTL ne’e ho formatu 4 hanesan premeru devizaun,segundu devizaun,super taca no Copa i totál orsamentu hamutuk centu ital,maibé infelismente foin dadauk esko aprova de’it 40 Mil
“Ho orsamentu 40 Mil de’it ne’e ita hare la sufisiente,entaun ami husi parte AFTL halo fali aprosimasaun ho FFTL i iha tempu badak sira haruka halo adisional,maibé to’o ohin loron ami nafatin konfirma seidauk iha Serteza”dehan Fernando bá Desportu XYZ iha nia kna’ar fatin Kaikoli kuarta (28/06)
Nia konta, FFTL dehan bá ami katak,tenki submete fali proposta foun,entaun ami koa tha Kompitisaun super taca no Copa no ita supmete proposta foun ho orsamentu 86 mil,maibé orsamentu refere tama ona ba Kompitisaun, Arbitrazen no manutensaun kampu.
“Orsamentu ne’e bazea bá deskusaun ne’ebé mak ita halo ho adjuntu sekretáriu jerál FFTL tanba ne’e ami fiar katak tempu badak sira bele aprova orsamentu ne’e lalais hodi hein janela transferensia taka ita kontinua kedas bá Kompitisaun”nia afirma
Kona-ba janela transferensia ami manda ona formolariu elektronika Bá klube sira i Klube sira mós agora iha faze perparasaun bá sira nia jogador no halo hela selesaun bá sira jogador.
Sei karik mak loron determina bá janela transferensia remata mak laiha klube sira mai resista.
“Ha’u hanoin dezisaun ne’e koletivu ne’ebé mak AFTL,FFTL no Klube sira desidi hamutuk tanba ne’e ha’u hanoin sira tenki respeitu dezisaun bá loron taka janela transferensia”
Entertantu,janela transferensia loke ona iha loron 12 fulan Juñu no sei termina iha loron 29 fulan Jullu,maibé to’o agora seidauk iha klube ida mak resistu.
Enkuantu,data fixu bá realiza liga Futsal tinan ne’e sei hahú iha loron 4 fulan Agostu tinan ne’e. (Elizabet Almeida)
About Post Author
