DILI-(Desportu XYZ) Atleta Special Olympic Timor Leste neebe Konkista medalha 5 iha kompetisaun World Sumer Games iha Berlin Alemanha too hikas ona Timor Leste, iha biban ne’e Governu liu husi Sekretariu Estadu Juventude Desportu, Abrão Saldanha hato parabens ba atleta sira.
“Ita nia atleta Special Olympic ba kompete iha Alemanha fila ona mai ho rezultadu ne’ebé orgullu tebes ba ita hotu, tanba nee parabens ba atleta no mos Kontijente sira hotu”Afirma SEJD bá jornalista sira iha nia kna’ar fatin,SEJD,Dili, kuarta (28/06)
Governante ne’e afirma katak, ho atleta sira nia prestasaun nee bele inspira liu tan foinsae sira Timor laran tomak.
Atleta Special Olympic Timor Leste iha tinan 2023 partisipa iha atividade Special Olympic World Sumer Games iha Berlin Alemanha, oferese medalla ba Timor Leste hamutuk medalla 5, kompostu husi osan mean 2, osan mutin 1 no osan metan 2.
Atleta hirak ne’e mai husi modalidade modalidade Atletismu deit.
Atleta neebe mak konkista medalla mak Norberta da Cruz dos Santos, Felizarda da Cruz da Costa no Oscar Alexandrinho.
Enkuantu Kompetisaun World Sumer Games tinan ne’e Timor Leste partisipa ho atleta nain 6 kompostu husi feto 3 no mane 3. (Elizabet Almeida)
About Post Author
