Dili-Jogadór liña defeza husi Boavista Fc, Orcelho da Silva, garante nia ekipa sei sai kampeaun iha taxa 12 de Novembru tinan ne’e.
Tuir Orselho iha nia entrevista ho jornalista desportu,xyz hateten, nia mai hamutuk fila fali ho jogadór sira iha Boavista hodi prepara ba jogu taxa 12 de Novembru tinan ne’e.
“Hanesan jogadór, hakarak ekipa tenki sai kampiaun iha jogu taxa 12 de Novembru tinan ne’e, maibé depende ba jogu”. Dehan nia hafoin remata treinamentu iha kampu futeból Democracia- Formosa, Tersa (10/11/2020).
Nia afirma, daudaun ne’e sira hahú prepara hela ba jogu taxa 12 de Novembru ne’ebé sei akontese iha semana oin sei hasoru Assalam iha Sabádu (14/11).
“Ami mai treinu ne’e oinsa para bele halo liña kordenasaun di’ak ba malu entre iha liña defeza ho mediu no avanzadu iha kampu laran, tanba jogadóra balun foun, ne’ebé kuandu preparasaun di’ak, jogu tuir mai bele fó rejultadu di’ak”. Dehan nia.
Orcelho antes tinan hirak kotuk joga ona husi ekipa Dili Institut of Technology (DIT), iha jogu LFA nian, depois de muda fila fali joga iha Boavista, hanesan liña defeza, hodi haforsa nia ekipa hafoin partisipa jogu kopa FFTL tinan 2020, Boavista konsege tama to’o kuatru finais no konsege ukupa iha terseru lugar. (Vidal).
About Post Author
