Dili – Treinadór Boavista Fc de Timor, Miro Baldo Bento iha mehi bót hakarak nia ekipa tenki hakat liu to’o faze oitavu finais iha jogu taxa 12 de Novembru tinan ne’e.
Tuir Miro iha nia entrevista ho jornalista desportu.xyz hateten, maske nia ekipa jogu dahuluk kontra Assalam Fc, hanesan buat todan ida, maibé iha optimista hakarak manan nia ekipa adversáriu.
“Iha esperansa atu to’o iha oitavu finais ka lae, ne’e hau nia mehi, hau kolia ba jogadór sira katak ita joga hahú dahuluk hasoru Assalam ne’e hanesan buat ida todan, ne’ebé mantein preparasaun, nune’e jogu bele ho di’ak, hodi bele hakat liu faze tuir mai”. Dehan nia hafoin remata treinamentu ba jogadór sira iha kampu demokrasi-Tersa (10/11/2020).
Tanba ne’e jogu kontra Assalam, Miro la iha tarjetu ruma atu fó golu ne’ebé ho barak, maibé nia iha optimista tenki manan nia ekipa adversáriu.
Atu fó hanoin fila fali, Boavista de Timor ho Assalam Fc hanesan hakerek ona iha istória tanba kontra malu iha faze quatru finais iha jogu Copa FFTL foin akontese iha fulan hirak liu bá, nune’e Boavista konsege halakon nia adversáriu hodi okupa iha terseru lugar.
Tan ne’e, iha jogu taxa 12 de Novembru tinan ne’e, ekipa rua baihira dada sorteiu nafatin kontra malu iha jogu dahuluk ne’ebé sei akontese iha loron Sabádu-(14/11) semana ne’e nia larn. (Vidal).
About Post Author
