Dili – Treinadór Boavista Fc de Timor, Miro Baldo Bento deklara, daudaun ne’e iha jogadór foun balu mai haforsa fila fali nia Ekipa iha jogu taxa 12 de Novembru tinan ne’e.
Tuir treinadór ne’e katak, iha jogadór foun kuaze lima ka neen ida mak iha tan Boavista, maibé jogadór foun hirak ne’e mai prense fila fali nia jogadór balun sai fali husi Boavita.
“Iha jogadór sira mai haforsa ne’e mak Adani mai husi DIT, Angelo husi Aitana, Filipe husi Ultramar, no sira seluk tan, ne’ebé sira sai no balun tama fila ne’e mós kualidade jogu la dook malu. Dehan nia hafoin remata treinamentu ba jogadór sira iha kampu demokrasi-Tersa (10/11/2020).
Enkuatu treinadór ne’e hatutan, sira nafatin preparasaun hanesan normal, bainhira atu hahú joga.
Nune’e mós treinadór ne’e reforsa, bainhira atu joga hasoru Assalam, nia parte ekipa rua ne’e hatene malu antes ona, iha jogu ikus Copa FFTL foin liu ba.
“Ne’ebé agora ami mantein preparasaun ba jogu taxa 12 de Novembru ne’e”. Nia promete.
Enkuantu treinadór ne’e dehan tan, atu garante manan Assalam, nia hakarak joga ne’e atu manan, tanba lakon out.
“Hakarak lakoi tenki manan”. Nia hakotu. (Vidal).
About Post Author
