DILI- (Desportu XYZ) Sekretariu Estadu Juvetude Desportu (SEJD) serbisu hamutuk ho Federasaun Volibol no Federasaun Atletismu realiza jogu desportu eskolar 2022 bá Munisípiu 13 inklui RAEOA.
Desportu eskolar 2022 realiza ba asosisaun munisipiu sira ho modalidade rua mak hanesan Federasaun Voleibol Timor-Leste (FVTL) no Federação de Timor Atletismo (FTA)
Jogu eskolar ne’e ho nia tema atu dezenvolve desportu eskolar iha Nivel nasional ba prestasaun.
jogu ne’e partisipa husi atleta no estudante sira feto mane mai husi munisipiu 14 inklui RAEOA hamutuk nain-336 husi modalidade voleibol no atletizmu ho nia durasaun ba kompetisaun ne’e lao durante loron sanulu.
Atividade ne’e realiza tanba servisu hamutuk ho asosiasaun voleibol no atletizmu iha munisipiu 14 no serbisu hamutuk edukasaun munisipiu no autoridade munisipiu sira.
no kustu bá apoiu eventu ne’e ho orsamentu hamutuk 146,375.50 USD maka ba material ho ekipamentus eskritoriu montante 1, 576 USD, konsumu 40, 058.50 USD, transporte 20,056 USD, akomodasaun 58,800 USD, premiu 7,450 USD, profesional fee ba atletizmu, voleibol no sekretariadu 4,835 USD, material no ekipamentu seluk 13,200, kustu ba mediku 200 USD no komunikasaun 200 USD.
Prezidenti Komisaun Organizadora Inosencio de Arauju haktuir,ha’u hakarak husu ba atleta sira ho treinador nafatin mantein dixiplina iha jogu atu nune’e bele hasae valor desportu atu bele hetan prestasaun iha futuru.
“parabens ba jogador sira hotu hatudu jogu diak atu nune’e klube sira bele rekruta imi tanba imi mak fini ba prestasaun iha futuru Timor-Leste nian”nia dehan bá jornalista sira iha Genajio Dili kuarta (14/12)
Iha fatin hanesan SEJD Abrão Saldanha hatete, Ha’u hakarak agradese bá Federasaun Voleibol no atletizmu organiza eventu jogu eskolar nivel nasional 2020 ne’ebé partisipa husi atleta diak sira mau husi munisipiu 14 no baze desportu ida mak mai husi eskola sira ne’ebé ita bele hetan fini diak ba selesaun nasional iha futuru.
“maske desportu iha Timor-Leste agora ita hotu seidauk sai kareira, maibé adisional bainhira atleta sira hetan prestasaun iha kompetisaun internasional governu sempre fo orsamentu ba apresiasaun ida ne’ebé bele sai simbolu ba atleta”
Governante ne’e inform,estudante sira hanesan oportunidade bele expresa talentu para bele dezenvolve desportu Timor Leste ba prestasaun
tanba Kompetisaun la’ós atu buka deit manan nain tanba ne’e rezultadu iha kompetisaun ne’e amizade mak importante ne’ebé harahun ona diferensia sira ne’ebé desportu nia valor ne’ebé mak nia hakarak jogador estudante sira husi munisipiu sira halo ida ne’e.
About Post Author
 no Federação de Timor Atletismo (FTA)){kind=link}