DILI-(Desportu XYZ) sentru Juvenil Munisípiu Baucau sosesu sai kampiaun bá eventu Juvenil Nasionál no Festival Desportu Sub 16 Epoka 2022, hafoin dere nia adversario Sentru Juvenil Munisípiu Bobonaro ho eskor 3-0 iha estadiun munisipal Dili sabadu (17/12)
Jogu premera parte ekipa rua tun ho fiar A’an hodi halo kontra ataka bá malu ho ritmu jogu deferente.
Iha ne’ebé,ekipa Bobonaro tun ho jogu teki taka bola ain bá ain,enkuantu Baucau tun responde ho bola a’as hodi fó presaun bá Bobonaro nia liña defensivu.
Ho Baucau nia ritmu jogu konsege hurlele golu rua bá rede Bobonaro nian iha menutu 6 liu husi jogador Aquelinu Marques no menutu 9 husi Celio Soares hodi muda eskor bá 2-0 to’o oras deskansa.
Kontinua bá segunda parte, Bobonaro koko halo mudansa jogu atu hamate Baucau nia jogu,maibé Baucau nia jogu iha anin leten susar bá Bobonaro atu subu liña deveza ne’ebé solidu tebes.
Iha menutu 49 Baucau dere tan rede Bobonaro liu husi jogador Enidenu yoman hodi termina jogu ho 3-0, vitória bá Baucau.
Resultadu ne’e halo sentru Juvenil Munisípiu Baucau sai hanesan Campiaun bá dala rua.
Entertantu, premeu bá primeru lugar Sentru Juvenil Munisípiu Baucau hetan orsamentu ho valor $ 600, segundu lugar monu bá Munisípiu Bobonaru hetan montante ho valor $ 500, terseru lugar monu bá Dili A hetan $ 400 no kuartu monu bá Kovalima $ 300.
About Post Author
 sentru Juvenil Munisípiu Baucau sosesu sai kampiaun bá eventu Juvenil Nasionál no Festival Desportu Sub 16 Epoka 2022, hafoin dere nia adversario Sentru Juvenil Munisípiu Bobonaro ho eskor 3-0 iha estadiun munisipal Dili sabadu (17/12) %%title%%){kind=link}