DILI-(Desportu XYZ) Jogador nain rua husi Sentru Juvenil munisipiu Baucau ho naran,Ario Melio Ximenes no Norberto Olivio Costa , ne’ebé hetan prestasaun diak iha kompetisaun taxa juvenil iha tinan kotuk no agora sira nain 2 hetan oportunidade sei ba treinu hamutuk ho klubu ida iha Brazil.
“alin nain rua ne’e depois de joga iha kompetisaun tinan kotuk, sira nain rua hetan komvite husi Brazil atu ba treinu iha Brazil”afirma Sekretáriu Estadu Juventude no Desportu SEJD Abrao Saldanha bá jornalista iha Estadiun Munisipal Dili segunda (12/12)
Nia dehan, agora dadauk buka hela dalan atu apoiu hamutuk ho sira husi Brazil atu sira ba koko treina iha klubu ida iha Brazil .
Jogador nain rua ne’e husi sentru futebol Juvenil Baucau, hein katak tinan oin bele mai husi Dili rasik no munisipiu seluk hodi hetan mos oportunidade ida ne’e hodi ba mos rai liu hodi reprezenta Timor Leste.
“ida nee hanesan reszultadu ita nia esforsu durante tinan hirak ne’e,ita hakarak ita iha jogador juvenil sira ne’ebé mak bele partisipa iha estranjeiru no bele hetan fihir atu bele lori sai ba iha rai liur”nia hakotu.
Iha fatin hanesan jogador Norberto Olivio da Costa sente orgullu tanba hetan oportunidade hodi reprezenta Timor Leste ba treina iha Brazil.
“Ami sente orgullu tanba durante ne’e ami treina deit iha loron manas laran nia rezultadu mak ida ne’e, ne’ebé ami sei aproveita didiak oportunidade ne’e hodi reprezenta Timor Leste ba iha ema nia rai”tenik nia.
Entretantu jogador Ario Melio Ximenes mos sente kontente tanba bele ba treinu iha rai liur.
“hau sente kontente tebes tanba hetan oportunidade hodi ba treinu iha Brazil”
About Post Author
