Dili-jogu Juvenil Cup 2022 sub 16 no Exhibition sub 12 termina ona iha loron 27 fulan Setembru tinan ne’e iha kampu demokrásia Dili.
Jogu Juvenil Cup 2022 realiza husi Centru Trenamentu Futebol Juvenil Timor-Leste (CTFJTL) ho governu liu husi Sekretáriu Estadu Juventude no Desportu (SEJD)
Prezidenti CTFJTL Gregorio Correa haktuir, jogu ida ohin ne’e furak tebes, maibé fovor ida imi mós joga tenki ho fuan no labele jogu monu tia hader halo problema tanba jogu Juvenil la hanorin imi hanesan ne’e tanba ami forma imi atu sai jogador di’ak ida bá selesaun nasionál Timor Leste.
“Imi hatudu jogu di’ak para trenador sira bele foti imi nivil nia ne’e sa’e no imi mós tenki hatudu atetudi di’ak bá inan aman” hateten Gregorio bá jornalista sira iha kampu demokrásia Dili tersa (27/09)
Iha fatin hanesan reprezentante SEJD Marsu da Costa afirma, SEJD nia mehi mak Juventude melinial kreativu no lori Desportu bá iha sosiedade.
“SEJD nia planu 2022 tau ona Centru Futebol Juvenil hitu 7 no sei establese tan Centru Juvenil iha Munisípiu Ainaro, Aileu,Viqueque no Manufahi,maibé tinan oin mai sei establese tan iha Manatutu Atauro no RAEOA”
Nia sublina, tinan-tinan SEJD sempre aloka orsamentu bá Centru Juvenil sira no Futebol Akademia,i tinan ne’e mós SEJD serbisu hamutuk ho KOIKA loke tan Centru Akademia iha kampu komoro no kampu Alor.
Centru Juvenil nia programa mak oinsá atu fó Trenamentu bá labarik sira hahú tinan 8 to’o 16 hodi nune’e perpa bá embaixador Timor Leste iha futuru oin mai.
Entertantu, orsamentu ne’ebé mak apoiu husi SEJD bá jogu Juvinil kada Centru Trenamentu Futebol Juvenil iha munisipiu hetan $3.000,00
Enkuantu, premeru lugar sub 16 monu ba ekipa Graasroots A hetan premiu ho montante $ 300.00,segundu lugar Juvenil A hetan premiu $ 200.00 no terseru lugar Graasroots F hetan premiu $100.00.
About Post Author
