Dili – Ekipa Vale de Lahane VDL Fc sei kontra Akademia Fc iha abertura Taca Rosa Muki Bona Parte 2022 ne’ebé sei hala’o iha kampu demokrásia Dili iha loron 30 fulan Setembru tinan ne’e.
Ekipa ne’ebé mak Partesipa iha taca refere mak hanesan,premeru devizaun kompostu husi Ad SLB,Maranatha,Buibere Fc,S’amuser Fc,Akademia Fc no Ass Baucau,enkuantu ekipa segundu devizaun,VDL,Maudoko Fc,Nain Feto,Sao José no Unital FC.
Kordenador Jerál Raimundo Nonato Soares haktuir,sorteu dada rifa bá bklube sira ohin ne’e defini ona katak sei laiha tan mudansa horario bá jogu Taxa Rosa Muki Bonaparte tinan ne’e.
“Totál bá jogu ne’e ho nia durasaun 33 jogu no kompetisaun refere sei remata iha loron 17 fulan Dezembro 2022″tenik Kordenador Jerál bá jornalista sira iha salaun Xanana Sport senter kuarta (28/09)
Tuir nia,jogu ne’e semana ida hala’o dala ha’at,hahú sesta to’o domingu,maibé iha jogu sabadu sei joga dader no loraik.
“Objevitu husi jogu ne’e mak atu komemora loron Rosa Muki Bonaparte bá dala tolu iha tinan ne’e”tenik Nonato
Nia sublina,komisaun mós tau ona regulamentu bá jogador Internasional katak,kada klube ida tenki resistu jogador Internasional nain lima 5,maibé sei tun iha kampu ami Autoriza de’it jogador nain 3 mak bele joga.
Entertantu,premeu bá ekipa kampeaun sira mak hanesan,premeru lugar $ 5.000.00 no Taxa permanente,segundu lugar $ 3.000.00 terseru lugar 2000.00 no kuartu lugar 1000.00.
Premeu bá melhor jogador $ 500,00,melhor guarda rede $500.00 no melhor markador 500.00.
Enkuantu,komisaun mós perpara orsamentu transporte hanesan tuir mai ne’e,klube sira iha Munisípiu Dili kada klube ida hetan $ 500,00,maibé la hanesan ho ekipa ne’ebé mai husi Munisípiu hanesan Klube Ass Baucau.
About Post Author
