(DTL) Prezidente Assalam Hipolito Soares hatete Assalam nafatin fiar aan no pronto kontra kualker ekipa iha jogu grupu A iha Kopa Federasaun Futebol Timor Leste FFTL 2020.
Fo hanoin Assalam no Lalenok United hasoru malu beibeik ona iha Liga Futeból Amadora tinan kotuk liu ba, maibè Assalam seidauk responde vitória ruma bainhira hasoru Lalenok.
Tanba ne’e iha tinan ne’e marka tan istória ida ba ekipa rua hodi hasoru malu fali iha jogu abertura kopa FFTL iha faze grupu A.
Assalam sente orgullu ba ekipa rua bele hasoru tan iha jogu abertura kopa FFTL ne’ebé mak sei hala’o iha dia 20 de Agostu.
“Ami la hakfodak Lalenok no pronto hasoru kualker ekipa iha Copa FFTL tinan ne’e” deklara Hipolito da Costa ba jornalista desportu iha salaun Xanana Sport Center foin lalais ne’e.
Nia afirma Assalam nia optimista ba copa FFTL tinan ne’e hakarak ultrapasa husi grupu A ba 8 finais.
Oras ne’e Jogadór iha Assalam iha estranjeiru na’in tolu deveza, avansadu no guarda rede, maibé iha jogadór na’in tolu mak sai hanesan rua ba Boavista de Timor hanesan guarda rede Aderitu Fernandes,Fransyatma Kefi no Daniel Adadi hamutuk ona Lalenok United. (Eugenio)
Lee mos:
Pedro Belo Hateke Assalam FC Inferior
About Post Author
