DILI – Fulan Setembru nu’udar fulan ne’ebé regular akontese asidente insidente fakar ran no ema lakon vida iha territóriu laran, akontese mós iha estádiu munisipál Dili.
Jogu Liga futeból Amadora edisaun daruak, la’o besik iha rohan, Jornada 13 époka 2017 iha jogu boot entre klube Karketu Dili FC hasoru klube zebra FC.
Jogu refere monu iha data 7 Setembru 2017, nudar jogu determinasaun Karketu Dili sai kampeaun karik manan nomós Zebra FC tenke manan jogu ne’e hodi mantein iha primeira divizaun, tanba derrota ikus mai Zebra degrada duni ba segunda divizaun.
Altura ne’ebá estádiu munisipál Dili la ho kondisaun seguru basa iha hela faze rekonstrusaun no material konstrusaun no sasán kro’at barak naklekar hale’u estádiu.
Klube Karketu Dili lidera golu liu lima no dalan ba kampiaun liga tempu ne’ebá se manan jogu refere halo mós selebrasaun ba vitória, maibé jogu segunda parte la dura kleur akontese insidente brutal iha kampu laran.
Insidente ne’e jogadór ida hosi Karketu Dili FC hetan kanek iha ulun, jogadór ne’e maka Antonio Vega orijen hosi nasaun Chile, nia hetan sama malorek iha uluk ho suteras hosi jogadór kamizola 22 Zebra nian iha momentu akontese body charge, kontaktu fíziku ne’ebé hamonu Antonio Vega monu no latan hela iha rai la ho forsa.
Derepente jogadór Zebra kamizola 22, hakat ba Antonio hodi sama nia ulun iha momentu bola dook tiha ona no árbitru hu bola free kick.
Hare jogadór karketu nian ne’e ran sai barak iha ulun árbitru Nivio tenke autoriza Polisia invade kampu hosi salva jogadór sira.
Maibé polisia hetan autorizasaun tarde, hafoin Antonio Vega monu, jogadór sira balun hosi zebra buka tuku malu ho ekipa adversáriu, enkuantu jogadór balun hosi Zebra no ofisial zebra nian ida de’it, maka neutraliza, maibé ofisial seluk hosi Zebra nian rasta no harahun kadeira ne’ebé komisaun prepara.
Jogadór internasionál ne’e konsege evakua ba ospitál hodi hetan tratamentu lala’is no kazu refere Komisaun LFA prosesa kedas ba prosesu justisa, to’o agora seidauk iha rezultadu ruma hosi prosesu hirak ne’e.
Ho insidente ne’e kakrketu Dili mos la selebra vitória kampeaun nian.(Auguto)
About Post Author
