DILI-Razaun matéria jogadór, ekipa Maudoko-FC simu derrota iha jogu jornada daruak liga futeból feto Timor-Leste 2020.
“Ha’u lakon matéria jogadór,” deklara treinadór Maudoko-FC Filomeno Fatima Pimentel Araújo ba jornalista sira hafoian ninia ekipa simu derrota hosi ekipa adversáriu Akadémika FC 0-7, sábadu (18/07).
Filomeno hatete, ninia jogadór prinsipál hanesan guarda rede prinsipál la hola parte tan sofre aleiza inklui mós ninia jogadór ho pozisaun defeza na’in ida. Ne’ebé antes ne’e nua uja jogu hasoru São Jose lakon mihis 2-3.
Treinadór ne’e fo mós razaun seluk, katak ekipa ne’ebé agora nia iha, maioria ema foun ne’ebé foin hola parte, enkuantu Maudoko-FC senior barak maka buka ba joga ekipa seluk.
“Iha jogadór senior barak hakat pasu ida ba buka ekipa seluk. Ami hahú fali ekipa ida hosi zero maka sa’e mai,” haktuir treinador ne’e.
Relasiona ho derrota ne’ebé sira simu hosi Akadémika, treinadór Maudoko FC konsidera de’it hanesan lisaun. “Triste sempre triste tanba lakon. Ida nee hanesan matéria ida ba jogadór sira atu prepara an di’ak liu tan”.
Nia rekoñese, kulpa ekipa nian maka la iha rezerva iha guarda rede, basa Jogu refere Mudoko uza liña segundu maka tun.(DTL)
About Post Author
