Dili – (Sexta, 08/01/2021)-Presidente Assosiasaun Futeból Baucau (AFB), Marito Belo, apresia ho inísiativa Federasaun Futeból Timor-Leste (FFTL) nian, ne’ebé sei kria liga futeból feto iha tinan ne’e.
Tuir presidente assosiasaun ne’e katak, bainhira partisipa iha reuniaun entre orgaun FFTL nian ne’e, hodi simu mós orientasaun balun atu fila ba munisipiu hodi organiza klubu sira ne’ebé iha segundu divizaun atu prepara-aan, antes partisipa iha jogu refere.
“Baucau iha tinan 2020 partisipa ona, maibé la konsege liu, nune’e ami hela iha segundu divizaun, maibé tinan ne’e mak liu sei hakat ba primeira divizaun”.
“Antes ne’e jogador rua husi klubu Baucau, naran bolu “Alita no Jova” mai joga ona iha klubu Maranatha, ne’ebé agora fila fali ona ba haforsa iha klubu Baucau, ne’e hanesan esperiénsia bot ida ”. Nia dehan.
Maske Estadu Emerjenja ba covid-19, maibé klubu sira nafatin prepara jogadór sira treinu, maibé labele liu husi ema na’in 10.
Nune’e mós Presidente Asosisaun Futeból Baucaun ne’e relata, durante tinan 2020 atividade futeból iha Baucau kontinua la’o, maibé tanba situasaun covid-19, tanba ne’e tenki suspende hela.
“Atividade jogu sub-19 la’o hela, agora tama ona iha oitavu finais, maibé tanba covid-19, entaun tenki para”. Nia relata. (Vidal).
About Post Author
