DILI – Klubu primeira divizaun rekruta jogador internasional iha janela transferensia tinan ne’e tenki liu husi Federasaun Futebol Timor Leste FFTL no jogador nasional iha Liga Futebol Timorense.
Deputi FFTL Frederico Martins hatete iha fulan dezembru FFTL hetan komunikasaun ida husi Liga Futebol Timorense katak federasaun mak sei simu jogador internasional iha janela transferensia ne’ebe mak hahu iha 28 de dezembru to 28 Fevreiru.
“Kona ba transferensia jogador lokal laos federasaun nian maibe liu husi Liga Timorense ne’ebe mak hahu husi dia 01 janeru to 31” deklara Frederico ba jornalista iha Bairu Grilos sesta (08/01).
Nia dehan janela transferensia ba jogador internasional FFTL foin mak simu klubu rua hanesan Lalenok United no Boavista FC de Timor halo ona pedido mai ami hodi rekruta jogador internasional.
Klubu Lalenok nia jogador internasional mak hanesan jogador Italo Soares ne’ebe mak fila mai iha fulan Dezenbru nia laran no Boavista nia mak hau labele fo sae lae tanba ne’e klubu nia segredu.
Dokumentus ne’ebe mak submete mai FFTL ne’e iha tipu rua hanesan ida amadora no ida profesional hanesan jogador ne’e antes joga iha klubu profesional sira tanba hare ba nia kontratu, maibe amadora presija deit jogador pasaporte, dehan nia.
Jogador nain rua husi Boavista no Lalenok tuir rekor ne’ebe mak federasaun iha katak jogador nain rua ne’e sei amadora hela laos profesional.
Tuir janela transferensia ba jogador internasioal husi federasaun tanba federasaun submete fali dokomentus sira ba FIFA hodi kontrola jogador hira mak tama mai Timor no hira mak sai husi Timor.
Nia mos husu ba orgaun liga Futebol Timorense sei bele pronlonga tan janela transferensia ba to fulan oin tanbà ita agora sei kumpri hela Estadu Emerjnesia. (Eug).
About Post Author
