DILI-armada Ad SLB ho naran istimadu Makikit Laulara kontinua rende ho ekipa Lalenok United iha jogu ikus Liga Fútebol Timor Leste (LFTL) epoka 2021, hafoin derota 1-3 iha estadiun Munispal Dili sabadu (18/12)
Ho Ad SLB nia derota ohin 1-3 iha jogu ikus LFTL epoka 2021, halo Ad SLB kompleta nia derota dala lima no impata ida ho Lalenok United,tanbá ekipa Makikit Laulara seidauk selu sira nia sofre durante ne’e ho Lalenok.
Jogu hahu ekipa Lalenok United hatun nia jogador selesaun nasional ne’ebé mak foin fila husi Singapura hanesan, Paulo Galy, Gumario, Elias Mesquita, Rofinu Walter Gama no Julião Mendonsa reserve, enkuantu Ad SLB Mouzinho da Lima, Cristovão Fernandes, Filomino Junior, Zenivio Mota no João Pedro ho Jhon Frith reserva iha segunda parte.
Ho prezensa jogador selesaun nasional sira ne’e halo ekipa rua hatudu jogu hanesa el clasik ba adeptos sira hodi hakonu estadiun munisipal Dili la sufseinte.
Maibé jogu ladura kleur Lalenok United hali’is ona rede Ad SLB iha minutu 2 liu Daniel Adade, hafoin simu bola cruza husi Paulo Galy iha lina parte los hodi hautur eskor ba 1-0.
Golu lalais ne’ebé Lalenok iha, halo Ad SLB susar atu hatudu sira nia jogu husi ain baa in, tanbá Lalenok hatudu jogu presaun difisil ba jogador SLB atu ultrapasa deveza hodi ameasa gurada rede Fagio Perreira.
Iha minutu 14 Daniel Adade hakerek nia naran iha kuadro eskor ba dala rua, hafoin simu tan bola segundu husi Paulo Galy hodi les guarda rede Flonitu Nogeira halo eskor ba 2-0.
Eskor refere la hamate esperitu jogu Ad SLB nian jogu hodi fo ameasa fila ba rede Lalenok liu husi suta kantu, maibé bola ne’ebé mak Felipi Oliveira kabesa sei salva husi Fagio Perreira to’o jogu primeira parte remata eskor provizorio ba Lalenok ukun ho 2-0.
Kontinua ba segunda parte, treinador Ad SLB Efren Jeronimu halo mudansa jogu hodi hatun Jhon Frith no João Pedro hodi hasai Natalino da Costa ho Tonitu Belo.
Mudansa hirak ne’e halo Ad SLB domina hikas bola, hodi responde golu ida ba rede Lalenok United ,bainhira Mouzinho da Lima lansa suta falta halo guarda rede Lalenok Fagio Perreira tenki muta sai bola ba jogador Aldo Amaral nia ain halo eskor ba 1-2.
Jogu kontinua rame liu tan, bainhira Lalenok nia jogu kontinua mihis halo Ad SLB fo ameasa fila fila ba rede Lalenok United. maibé bola hira ne’e seidauk kona nia album.
Minutu kontinua amenta ba 89 Lalenok mos halo nakles rede Ad SLB nian ba dala tolu liu husi Paulo Galy Freitas hodi taka jogu ho eskor 3-1.
About Post Author
