DILI-hafoin ekipa Dili Institu Teknologia DIT Fc rekoila pontos tolu iha jogu jornada da ne’en, bainhira halakon nia adversario Aitana Fc 3-2, maibé resultadu ne’e DIT Fc sei funu hasoru Lalenok United iha jogu ikus hodi determina sira nia destinu ba iha jona livre.
Jogu hahu ekipa rua mai ho mehi hanesan hodi hadau pontos tolu atu asegura nia sira pontos atu sai jona mean, maibé DIT Fc tun halo jogu nakloke defesil ba Aitana fc atu kontrola bola ho diak.
Iha menutu 17 jogador DIT Venceslau Fatima doko ona rede Aitana fc, hafoin simu bola cruza husi jogador Jose Almeida iha lina eskerda hodi hatur eskor ba 1-0.
Eskor refere la hamate esperitu Vontade husi jogador Aitana nian hodi hatudu jogu liu sota livre Miguel Arauju bainhira hetan bola husi jogador Fransiatma Kefy,maibé bola refere sei salva husi guarda rede DIT Fc Ricardo Nunes.
Ekipa DIT Fc hamate Aitana nia jogu hodi dolas bola husi ain ba ain iha lina defensive oin,ikus mai Aitana nia rede nakles ba dala rua liu husi sota livre Ruben Borges iha menutu 37 hodi hasai eskor ba 2-0.
Aitana fila halo mudansa jogu liu husi bola a’as hodi hamate DIT Fc nia jogu ho bola badak, maibé defesil ba Edit Savio no Fransiatma Kefy atu ultrapasa lina deveza DIT Fc nian.
Mudansa Aitana nian seidauk bele halo buat ida,wainhira jogador Venceslau Fatima hakrek nia naran iha guadru eskor ba dala rua iha menutu 45+2 hodi termina premera parte ho eskor provezori ba DIT 3-0.
Hakat ba segunda parte, treinador Aitana Fc Octavio da Costa koko halo mudansa jogu hodi hamate DIT nia avansadu nain rua hanesan Jose Almeida no Anitu Boavida atu labele produs tan golu.
Trenador nia mundansa ne’e lori duni resultadu ba Aitana Fc, hafoin Fransiatma Ima Kefy responde golu ba rede DIT iha menutu 63 banhira simu bola kruza husi Edit Savio iha lina parte kana hodi hamehis eskor ba 1-3.
Ho golu ne’e halo Aitana fiar a’an liu tan hodi domina hikas bola husi kotuk to’o lina oin no defesil ba DIT atu kontrola bola ho diak, tanbá Aitana fo ameasa bola liu husi suta falta, livre no kantu bebeik ba DIT fc nia guarda rede.
Tama menutu 72 Edit Savio hasai eskor 2-3, hafoin Rgelberd Lay fo bola husi lina klaran ba Edit nia hirus matan hodi hikis guarda rede Ricardo Nunes hodi termina jogu vitoria ba DIT fc ukun ho eskor 2-3.
About Post Author
