DILI-(Desportu XYZ) sekretáriu jerál klube Mushila Aquing Ung, kontinua ezizi bá Federasaun Futebol Timor-Leste (FFTL) atu foti asaun ruma hodi hamoris fila fali Liga futsal, tanba durante tinan rua nia laran Asosiasaun Futsal Timor Leste (AFTL) kontinua taka ibun bá Klube sira.
“ami husu bá FFTL atu foti medidas ruma oinsa atu hamoris hikas fali Liga futsal iha ita nia rai, tanba agora ne’e AFTL la iha serteza ba Liga futsal ho nune’e Federasaun bele alerta bá AFTL atu bolu hikas klubu sira para atu bele explika katak programa Liga futsal Timor Leste ne’e bainhira loos mak atu la’o” afirma Aquing Ung ba jornalista sira iha Timor Plaza Sesta Feira ne’e
Aguin dehan, hanesan klubu ami sente triste tebes ho asosiasaun ho federasaun tanba mosu mai ho planu ne’ebé mak furak tebes i konsege raliza duni i klubu ida konsege reprezenta Timor Leste ba partisipa Taxa iha Thailandia ne’eba, maibé depois tinan ne’e ita la konsege partispa iha Taxa refere tanba ita nia liga la la’o.
“Hanesan klubu sente triste ho ita nia asosiasaun ne’ebe mak moris mai mate kedas” nia relata
Iha fulan dezembru tinan kotuk sira konvoka ona enkontru hodi koalia kona-ba kampu no AFTL fo opsaun kampu rua ida mak ba iha Ginazio Despotu Dili (GDD) no ida seluk mak kampu F-FDTL no iha momentu ne’ebá klubu partisipante Liga aseita atu ba joga iha kampu F-FDTL nian.
Nia esplika, depois de enkontru hotu ona realidade la iha kontinuasaun no klubu sira mos kontinua hein maibe nafatin la iha serteza hosi Asosiasaun futsal.
Tanba ne’e husu bá asosiasaun karik la iha planu asaun diak ba futsal iha rai laran, ha’u husu para se bele estrutura asosiasaun futsal ne’ebé mak eleitu atu bele tuur fila fali hanoin didiak se imi sente la iha kapasidade la iha vontade atu lidera asosiasaun ne’e husu para atu reestruturasaun ida para ita hili ema ida ne’ebé lolos ho pozisaun ne’ebé loos ho hanoin ne’ebé loos atu dezenvolve ita nia futsal iha rai laran.
“Se nune’e hela deit Despotu modalidade futsal sei hakdasak nafatin tinan ba tinan tanba ne’e husu asosiasaun futsal tenke hader ona tanba tempu ne’e lao bebeik tinan rua nia laran la iha liga ne’e duni husu para asosiasaun foti netik medidas ruma ba iha kestaun liga futsal ne’e rasik”
Fó hanoin fali katak, klubu hirak ne’ebe mak sa’i hanesan membru ba iha AFTL hamutuk 24 kompostu hosi priemeira divizaun 10 no segunda divizaun 14.
Klube priemeira divizaun mak hanesan Ramelau Fc, Mushila Fc, Boa Sorte Fc, Because United, Mauputar Fc, Sao Francisco Xavier, Caesar Dante Fc, AD Samoro, Gamer FC no As Jerman Fc.
No segundu divizaun mak hanesan, Coelho FC, Bermeta FC, Maudoko FC, Academica Fc, B’tal FC, VDL Lahane Boavista Fc Timor Santa Cruz, AD Estrela Baguia, Kuda Ulun, Crezy Horse, FIEL FC, Baucau all Star.
About Post Author
 sekretáriu jerál klube Mushila Aquing Ung, kontinua ezizi bá Federasaun Futebol Timor-Leste (FFTL) atu foti asaun ruma hodi hamoris fila fali Liga futsal, tanba durante tinan rua nia laran Asosiasaun Futsal Timor Leste (AFTL) kontinua taka ibun bá Klube sira. “ami husu bá FFTL atu foti medidas ruma oinsa atu hamoris hikas fali Liga futsal iha ita nia rai, tanba agora ne'e AFTL la iha serteza ba Liga futsal ho nune'e Federasaun bele alerta bá AFTL atu bolu hikas klubu sira para atu bele explika katak programa Liga futsal Timor Leste ne'e bainhira loos mak atu la’o" afirma Aquing Ung ba jornalista sira iha Timor Plaza Sesta Feira ne'e){kind=link}