DILI-(Desportu XYZ) Klubu futebol primeru devizaun ida iha nasaun Brunei Darusalam Kota Ranger Fc kontrata ona jogador selesaun nasional Timor-Leste Elias Joao Mesquita durante tinan ida.
“Ha’u hetan ona asina kontratu ho Klubu primeira Divizaun Kota Ranger Fc durante tinan ida” dehan Elias ba jornalista sira liu husi Whatsaap kuarta feira ne’e.
Elias hatete, ne’e nu’udar esperensia dahuluk ba joga iha klubu husi nasaun liur tanba ne’e nia sente kontente.
“ba ha’u sente orgullu tebes tamba bele aumenta ha’u nia skill nu’udar futebolista ida, no ha’u rasik hakarak kontinua nafatin ha’u nia talentu i iha parte ida ha’u hakarak kria netik historia ba ha’u nia an se wainhra ha’u idade to ka pensiun karik ha’u mos iha ona historia rasik kona ba joga la’o individu ba joga iha nasaun ida” nia esplika
Jogador Assalam ne’e mós iha esperansa boot hakarak atinje objektivu klubu nian ne’ebé mak hakarak sa’i vensedor.
Elias hahu nia kareira futebolista premeru hamutuk ho klubu priemeira divizaun Aitana Fc iha 2015.
hamutuk ho Aitana Fc tinan ida,Elias Mesquita muda bá reforsa Klube promovidu Lalenok United iha terseiru divizaun iha 2016.
Iha momentu ne’ebá Elias ho ekipa susesu lori Lalenok United promove ba segunda divizaun iha tinan 2017.
Hakat bá 2018 Elias Mesquita nafatin hetan fiar hodi haforsa Lalenok United no lori Lalenok United promovidu ba primeira divizaun Liga Futebol Amadora (LFA)
Iha tinan 2019 futebolista foin sae ne’e nafatin hetan fiar nu’udar avansadu prinsipal Lalenok United no konsege hatudu performa berliante hodi marka istoria foun ba klubu promovidu refere hodi sai tribel winner Liga Futebol Amadora (LFA) no kopa 12 de Novembru no mos Super Taca.
Ho kampeaun refere lori ekipa Lalenok United Fc nuudar ekipa dahuluk ne’ebe tama iha kualifikasaun AFC Cup 2019, no Elias Meskita marka rekord foun nu’udar jogador ho idade ne’ebe mak kiik liu mak joga iha AFC cup
Iha Tinan 2020 Elias Mesquita kontinua hetan fiar husi klubu Lalenok United Fc no iha tinan ne’eba perpforma berliante ne’ebe mak nia hatudu ho nia ekipa susesu raut tan trofeu rua mak Kopa FFTL no Kopa 12 de Novembru.
Iha tinan 2021 Elias nafatin hetan konfiansa hosi klubu Lalenok United Fc nu’udar avansadu prinsipal.
Iha kompetisaun liga Timorense epoka 2022-2023, Elias Meskita haforsa fila fali Klubu priemeira divizaun Assalam Fc nuudar avansadu ho numeru kamizola 10.
Ho performa ne’ebe mak Elias Meskita hatudu hamutuk ho klubu konsege hetan fiar Hosi Treinador selesaun nasional sub-16 Mister King hodi ba joga iha Thailandia iha tinan 2017.
Elias agora sei ativa hela selesaun nasional senior nu’udar avansadu iha sub-22 no selsaun nasional.
Klubu futebol primeru devizaun ida iha nasaun Brunei Darusalam Kota Ranger Fc kontrata ona jogador selesaun nasional Timor-Leste Elias Joao Mesquita durante tinan ida.
About Post Author
