Dili – Federasaun Futebol Timor Leste (FFTL) anunsiu ona kalendariu ba jogu Liga Timorense de Futebol Femenino sei realiza dahuluk ba segundu divizaun iha 19 Agostu 2021 no primeiru divizaun iha 21 Agostu 2021.
Relasiona ho pandemia COVID 19 halo atividade desportu paradu total iha fulan hirak liu ba, hanesan atividade importante ba Liga Feto no Liga Futebol de Timor Leste tenki hapara provisoriomente.
Tuir diretor kompetisaun Liga Feto, Zelazio da Silva Carvalho hatete, lolos ne’e atividade Liga Feto ne’e hala’o iha fulan Abril, maibé situasaun pandemia COVID 19 halo ita hapara provisoriomente atividade desportu, tanbá ita kumpri ba governu nia desizaun hodi aplika Estadu Emergensia no Serka Sanitaria iha Dili.
“Desizaun ne’ebé mak ezekutivu Federasaun Futebol foti hodi deside atividade desportu ba feto ho mane tenki halo iha fulan Agostu” relata Zelazio ba Desportu.XYZ iha kna’ar fatin FFTL Tersa (13/07).
Nia informa Federasaun la halo diskriminasaun ba Liga Feto, tanbá Kopa FFTL no Liga Futebol de Timor-Leste la’o tenki la’o dala ida ho Liga Feto.
Konaba kompetisaun tinan ida ne’e iha jogu segundu divizaun ami halo mundansa uituan hodi amenta fali klubu ida husi selesaun nasional feto sub 16 hodi ba kompleta ba klubu 7.
“Ami sei la uza sistema kompetisaun ba Liga Feto ho Pota Fora, tanbá klubu menus liu kompara ho Liga mane.
Zelazio haklaken konaba apoiu finanseiru ba klubu sira tinan ne’e iha mundansa ho tinan kotuk, maibé ida ne’e ami labele fo sai lai ba klubu sira tanbá orgaun ezekutivu aprova foin bele fo sai ba publiku.
Fo hanoin katak jogu abertura segundu divizaun Liga Feto iha 19 Agostu, VDL F.C kontra Maudoko F.C. no 21 Agostu ba primeru divizaun Buibere F.C. kontra S’Amuser F.C.
About Post Author
