DILI – Ekipa Selesaun Nasional Sub 19 halo jogu tray out kontra ekipa senior sub 23 hodi koko forsa jogador sira nian atu kompete iha jogu kualifikasi AFC U-23 Asian Cup 2021.
Iha jogu tray out ne’ebé mak hala’o iha Estadiun Municipal Dili Kuarta (14/07/) ekipa selesaun nasional sub sub 19 tenki hakruk ho skor 1-4 kontra ekipa selesaun nasional sub 23.
Jogu hahu primeiru parte ekipa sub 23 ne’ebé mak lidera husi treinador ho nasionalidade Brazil Fabio Micel hatun nia jogador suplente, enkuantu trenador sub 19 Eduardo Pereira inportante hodi halo difisil jogador senior atu hetan bola.
Maibé iha minutu balun atu termina jogu primeiru parte ekipa selesaun sub 23 halo mundansa jogu husi ain ba ain ikus mai avansadu Lalenok United Elias Mesquita no Aquilis Portela Nahak husi Ad SLB fura rede sub 19 nia hodi hatur skor ba 2-0 to’o primeira parte termina.
Kontinua ba segunda parte treinador sub 23 Fabio Micel halo mudansa jogu hodi hatun fali jogador importante hanesan iha lina oin okupa husi Joao Pedro, Rofino Walter Gama, no Fransiatma Kefy.
Ho mudansa jogu ne’e ekipa sub 19 la hamate esperitu jogu halo difisil liu tan ba jogador senior sira atu hetan golu lais.
Iha minutu balun Ekipa sub 19 nia defeza la kontrola didiak lina defeza, ikus mai Rofino Walter gama doko tan rede ba dala tolu hodi hasae eskor ba 3-0.
Golu la dura kleur, jogador Ad SLB ho naran istimadu Ameta fila responde golu ida ba rede sub 23 liu sota falta no golu ikus husi Joao Pedro hodi taka jogu segunda parte ho eskor 4-1.
Fo hanoin deit katak jogu kualifikasi AFC U-23 Asian Cup selesaaun Nasional Timor Leste Sub 23 monu iha grupu H, hamutuk ho Korea Sul, Singapura, no Filipina.
About Post Author
