DILI-Lica Lica Lemorai rekoila vitoria ikus iha jogu segundu divizaun Liga Fútebol Timor Leste (LFTL), hafoin lulun nia adversario Santa Cruz ho eskor 6-1.
Lica Lica Lemorai hetan vitoria ne’e liu husi jogu ne’ebé sira hatudu, wainhira jogu hahu liu deit minutu 20 (Ruanulu), jogador Manuel da Silva hekis ona rede Santa Cruz hafoin simu bola husi jogador Andre Sarmentu hodi muda eskor 1-0.
Golu ne’e halo Santa Cruz koko atu halo mudansa jogu hodi dumina bola a’as atu hamate Lica Lica nia jogu ain ba ain,maibé Lica Lica sei mantein nafatin sira nia jogu hodi dumina bola.
Lica Lica nafatin mantein sira ritmu jogu halo Santa Cruz susar atu sobu lina deveza, ikus mai jogador Andre Sarmentu doko rede Santa Cruz iha minutu 37 (Tolunulu resin hitu) hodi taka primeira parte eskor provisorio 2-0.
Hahu segunda parte,treinador Santa Cruz Octavianos Pinto halo mundansa jogu iha lina oin hodi subtitui avansadu Alitu da Cruz hodi hatama fali David da Cruz.
Maibé mudansa ne’e nafatin lori sofre ba Santa Cruz, hafoin Lica Lica dere guarda rede Santa Cruz, Marcio das Dores iha minutu 55 (Limanulu resin lima) liu jogador Andre Sarmentu bainhira simu bola husi Helder kiko hodi hasai eskor ba 3-0
Eskor ladura kleur Santa Cruz responde iha minutu 66 (nennulu resin nen) liu husi jogador Liborio Geronimu, wainhira jogador ne’e doelu ho deveza Lica Lica nain tolu hodi fora guarda rede Tomas Freitas halo eskor muda ba 3-1.
Ho eskor ne’e la muda Santa Cruz nia performe jogu, maibé hamihis sira nia ritmu jogu, tanbá Lica Lica Lemorai kontinua hakerek kuadro eskor golu tolu tui-tuir malu husi jogador Mario Panao minutu 67 (Nenulu resin hitu),Gabriel Ximenis 90 no Manuel da Silva menutu 90-2 to’o jogu remata eskor 6-1.
Vitoria ne’e lori Lica Lemorai rekoila pontus 6, lakon ida inpata 3 vitoria ida, enakuantu Santa Cruz Lakon tolu no vitoria dala rua.
About Post Author
, jogador Manuel da Silva hekis ona rede Santa Cruz hafoin simu bola husi jogador Andre Sarmentu hodi muda eskor 1-0.){kind=link}