Dili-Ekipa Nagardjo Fc rekolla vitória kontra Kablaki Fc iha jogu jornada ikus ho pontus 3 hodi kompleta de’it jogu iha tabela klasifikasaun grupu B, Liga Futeból Timor Leste (LFTL) époka tinan ne’e.
Nagardjo Fc halakon nia adeversáriu Kablaki Fc ho skor 4-1 iha stadium Munisipal Dili, Kuarta (17/11).
Iha jogu primeira parte ekipa rua iha ambisaun boot hakarak lidera uluk golu, hodi lansa kontra atake malu.
Sorte di’ak ba Kablaki Fc, hodi fura uluk rede Nagardjo nian liu husi jogadór Eduardo Costa liu husi bola ulun, ne’ebé simu bola suta falta, ne’ebé hetan asisténsia husi Acou Maia hodi muda skor 1-0 iha minutu 29.
Golu refere halo Nagardjo Fc la tur nonok de’it, maibé responde hikas golu ida iha minutu 31, liu husi jogadór Chiquito Gama bainhira aproveita bola barullu iha area penalidade Kablaki Fc nian hodi hatama golu, nune’e muda skor hanesan ba 1-1.
Nagardjo Fc atu asegura sira nia skor, tenki halo nia subtituisaun jogadór hodi dada sai Rique Alves hodi hatama Florencio Pinto iha minutu 34.
Nune’e mós ba Kablaki Fc halo mós subtituisaun ba nia jogadór hodi hasai Horacio Martins hodi hatama Domingos Nunes iha minutu 35.
No iha minutu 45, Nagardjo Fc nafatin halo subtituisaun ba nia jogadór hasai Tito Marques hodi hatama Fortunato Ximenis.
Maske ekipa rua halo subtituisaun jogadór, maibé la lori rejultadu golu ruma hodi mantein skor ba ekipa rua 1-1.
Hafoin hakat ba jogu segunda parte, Nagardjo Fc nia jogadór Luis Ribeiro fura tan golu daruk, bainhira simu bola asisténsia husi Mario Neves hodi muda skor 2-1, iha minutu 50.
Ekipa rua nafatin esforsu atu buka tan golu, hodi kontra atake ba malu atu muda skor ida-idak nian, maibé la lori rejultadu golu ruma.
Maibe, oportunidade barak monu ba Nagardjo Fc hodi lansa sutu ba rede Kablaki Fc nian, maibé la rejulta golu ruma tanba hetan salva husi baliza.
Maibe hafoin iha minutu, 66 Nagardjo Fc nia jogadór Chiquito do Carmo lansa bola dok hodi rejulta tan golu datoluk hodi muda skor 3-1.
Golu refere halo ekipa Kablaki Fc nafatin hatun nia jogadór suplentu sira hanesan Pedro da Crus hodi dada sai Domingos Nunes iha minutu 68.
Ekipa rua nafatin hatun jogadór suplentu sira atau hatudu sira nia performe jogu ikus ne’e bele ganha vitória ruma.
Sorte di’ak monu tan iha minutu 87 Nagardjo Fc fura tan rede Kablaki Fc nian liu husi jogadór Jeninho Sanches hodi muda skor hatur ho 4-1.
Maske skor ba Kablaki Fc ho 1-4, maibé jogadór sira nafatin esforsu atu buka tan golu hodi lansa mós ameasa iha minutu 90 liu husi jogadór Francisco da Costa, mabé la kona iha alvu Kablaki Fc nian tanba kona de’it iha rin baliza.
To’o jogu ekipa rua segunda parte termina, vitória ba Nagardjo Fc ho skor 4-1.
About Post Author
 époka tinan ne’e.){kind=link}