DILI – Relasiona ho kalendariu janela transferensia 2021 Liga Futebol Timor Leste, halo klubu Assalam kontaktu jogador estranjeru na’in 4 atu haforsa lina avansadu Assalam iha epoka 2021.
Tuir prezidente Assalam FC Ipolitu Soares hatete jogador estranjeiru na’in 4 ne’ebé mak ami kontaktu atu haforsa Assalam iha liga epoka 2021 mai husi Indonesia tolu no Canada ida.
“Razaun Assalam nia kontratu ho jogador estranjeiru na’in 4 ne’e tanba hare fali ba kotuk iha taxa 12 Novembru no Copa FFTL ami sei menus avansadu” relata Ipolitu ba Desportu.XYZ iha via menzajen Whatsap.
Nia dehan jogador estranjeiru na’in tolu sei haforsa iha lina avansadu no ida ho pozisaun guarda rede.
Konaba jogador lokal Assalam seidauk planu atu rekruta tanba ami mantein hela ho jogador 19 ne’ebé mak antes ne’e haforsa Assalam iha Taca 12 Novembru no Copa FFTL.
Maibe Assalam foin mak iha jogador meiu kampu Osorio da Costa muda ba Lalenok United iha janela transferensia epoka 2021, relata nia.
Ipolitu haktuir katak jogador estranjeiru nain 4 ne’e positivu ona hodi hein deit fronteira loke sira bele hakat ain husi sira nasaun tama Timor Leste. (Eug).
About Post Author
