DILI – Jogador meiu kampu Lalenok United Osorio da Costa hatete durante hamutuk ho Assalam hau sedauk simu kontratu ka surat ida husi prezidenti Assalam tanba laos ha’u rasik mak asina kontratu refere.
Relasiona ho transferensia jogador Osorio da Costa husi Asalam ba Lalenok United halo prezidenti Assalam Ipolitu Soares dehan jogador refere la tuir prosedimentu liga nian, tanba nia kontratu sei validu tinan rua iha Assalam.
Hatan ba kestaun ne’e Osorio afirma husu ba estrutura Lalenok United nia hotu katak hau hamutuk ho Assalam iha 2018 to agora hau seidauk simu kontratu ka surat ida husi prezidenti Assalam atu hatene kontra hamutuk klubu refere to tinan hira.
“Hau hamutuk ho Assalam hetan Asina, maibe laos hau rasik mak Asina kontratu ne’e” relata Osorio ba Desportu XYZ liu husi via menzjen Whatsap kinta (21/01).
Nia informa se karik hau rasik mak asina kontratu, tuir hau nia hakarak tinan tolu deit, tanba prezidenti Assalam la hatudu kontratu nia durasaun ba jogador.
Se kontratu ne’e validu hela, prezidenti Assalam mos sei la tolera hau atu muda ba klubu seluk, dehan nia
Eis jogador Café ne’e hatutan hau mos iha razaun bo’ot ba prezidente Assalam tanba hau hili dalan ba Lalenok United ho dalan ne’ebé mak los no hau pronto atu resolve ho klubu Assalam.
Nia mos rekoñese katak durante hamutuk ho klubu Assalam wainhira jogu ruma la’o mak foin bele hetan salariu maibe laiha jogu ami jogador sei la simu salariu no salariu la tuir jogador nia hakarak. (Eug).
About Post Author
