Dili – Ekipa Aitana Fc iha planu halo hela negoziasaun ho jogadór estranjeiru balun husi Gana no Indonesia, atu haforsa sira nia ekipa iha Liga Futeból Timor-Leste époka tinan ne’e.
Tanba ne’e, tuir treinadór Aitana Fc João Samantha Souza informa liu husi via mensajen WatsApp ba Desportu.xyz katak, relasiona ho janela transferénsia époka tinan ne’e, sira iha planu hela atu kontatu jogadór lokal balun, inklui estranjeiru balun atu haforsa sira nia ekipa iha jogu liga Futeból Timor Leste tinan ne’e.
“Jogadór íntimu balun sei mantein, no jogadór balun ne’ebé antes ne’e mai joga iha Copa FFTL no taxa 12 Novembru sira nia kontratu remata ona”.
Tanba ne’e, to’o oras ne’e sira seidauk iha kontratu foun ruma ho jogadór balun.
Aitana Fc hanesan mós ekipa primera divizaun, ne’ebé hetan promovidu iha jogu Liga Futeból Amadora tinan hirak kotuk liu ba. (Vidal).
About Post Author
