Dili- Ekipa Aitana Fc lakon tan pontu tolu husi nia adversáriu Lalenok United iha jogu kontinuasaun jornada datoluk Liga Futeból Timor Leste (LFTL) ba primeira divizaun époka ne’e, hodi okupa iha tabela klasifikasaun númeru daneen ho pontus ida (1).
Iha jogu meira parte hahú ekipa rua iha amibasau boot hakarak marka golu ho lais, liu husi kontra atake ba malu.
Maibé la akontese golu, tanba ida-idak mantein nia ekipa atu labele sofre uluk golu ruma.
Hafoin iha minutu 18 Italo Soares (28) jogadór ho nasionalidade Brasilero ne’e konsege lansa suta dala ida ba rede Aitana Fc maibé seidauk kona iha alvu loloos.
Jogadór husi Lalenok United ne’e, maske lansa ameasa ba Aitana nia rede.
Maibé ekipa Aitana Fc nafatin hatudu sira nia ritmu jogu la hanesan ho jogu sira liu ba, tanba liña klaran la domina bola no diferente tebes hodi halo jogu ho ritmu aas tebes.
Lalenok United nia jogadór Soares nafatin remata tan bola dala ida iha minutu 21 maibé sei bele antisipa husi guarda rede Aitana Fc Yusak Redjauw.
Ekipa rua mantein lansa kontra ataka ba malu no tama ba iha minutu 42 Aitana Fc hetan oportunidade hodi marka golu liu husi Avansadu Edit Savio maibé se bele antisipa husi defeza Pedro Vicente.
To’o minutu primeira parte besik remata, sorte di’ak monu ba jogador prinsipál Lalenok United Italo Soares Pementel susesu Marka golu ida liu husi suta livre hodi muda skor ba 1-0 iha minutu 45+1
Ho score refere mantein to’o termina jogu primeira parte.
Kontinua ba jogu segunda parte ekipa Aitana Fc ne’ebé foti inisiativa halo atake hodi konsege remata bola liu husi jogadór avansadu Edit Savio maibé seidauk kona tarjetu.
Ekipa rua ne’e mantein lansa konta ataka ba malu no tama ba iha minutu 62 Aitana Fc hetan tan oportunidade hodi marka golu liu husi jogador Miguel Araújo.
No tama ba iha minutu 65 Lalenok United konsege suta ameasa ba rede Aitana Fc liu husi jogador Zacarias Cabral maibé sei bele antisipa husi guarda rede Aitana Fc nune’e la rezulta golu.
Jogu entre ekipa rua la’o ho tensaun aas liu tan, tanba ekipa rua iha ambisaun hakarak produs tan golu ruma.
Maibé iha ona dalan tanba kondisaun kampu laran nakonu ona ho udan been, halo bola labele ultrapasa ho di’ak.
Situasaun udan ne’e halo jogadór sira labele hatudu sira nia performe jogu, hodi obriga sira tenki monu no halo sira atu tuku malu, nune’e halo adeptus ida-idak hakilar no halo árbitru tenki foti desizaun hakalma situasaun.
Tanba ne’e to’o jogu segunda parte remata, vitória ba Lalenok United ho skor 1-0.
Husi vitória ne’e lori ekipa Lalenok United okupa provizoriu iha terseiru klasifikasaun Liga Futebool Timorense Primeira Divizaun ho pontus 6 husi joga dala tolu (3) manán dala rua (2) no lakon dala ida (1).
Enkuantu ekipa Aitana Fc mantein iha pozisaun 6 provizoriu ho pontus ida (1) husi joga dala tolu (3) manán lakon dala rua (2) no empta dala ida (1).
About Post Author
 ba primeira divizaun époka ne’e, hodi okupa iha tabela klasifikasaun númeru daneen ho pontus ida (1).Iha jogu meira parte hahú ekipa rua iha amibasau boot hakarak marka golu ho lais, liu husi kontra atake ba malu. Maibé la akontese golu, tanba ida-idak mantein nia ekipa atu labele sofre uluk golu ruma.){kind=link}