Dili- Aitana Fc tama iha zona aman hodi mantein nafatin iha primeira divizaun, hafoin fahe pontus 3 hanesan ho Assalam Fc tanba ho skor 2-2 iha jogu ikus Liga Timorense époka 2021.
Ekipa Aitana Fc remata nia jogu hitu rekolla pontus 5, manan jogu dala-ida, derota dala-tolu no impata dala ida hodi okupa iha tabela da-neen hafoin DIT Fc okupa tabela ikus liu ho pontus 3
Nune’e ameasa ba DIT Fc tanba sei hasoru jogu ikus kontra ekipa sigante Lalenok United Fc iha jogu aban (23/12).
Iha konfrénsia imprensa treinadór Aitana Fc Octavio da Costa hateten, sira la iha ameasadu husi ekipa ne’ebé de’it, tanba jogu ikus DIT sei hasoru ekipa bot Lalenok United Fc.
“Jogu aban ne’e DIT hasoru Lalenok ne’e depende sorte, tanba bola ne’e ita labele hatene, tanba ekipa ida nia jogu bele di’ak fila fali iha jogu nia laran”. Hateten Octavio iha stadium Munisipal Dili, Kuarta (22/12).
Iha fatin hanesan treinadór Assalam Fc, Adu Marques hateten, jogu ekipa rua jogu di’ak, maibé parte arbitragem mak estraga jogu.
Tanba ne’e nia husu atu parte arbitragem sira tenki hasae tan sira nia kapasidade, nune’e bele lidera jogu sira ho di’ak liu-tan.
Ohin ami rekolla pontus 3 karik okupa iha terseru klasifikasaun ho pontus 8, maibé realidade la akontese, nune’e hodi hetan de’it pontus 6 tanba ekipa rua fahe pontus hanesan.
About Post Author
