DILI-Assalam Fc sai ona husi jona degradasi hodi mantein iha primeru devizaun Liga Fútebol Timor Leste (LFTL) epoka 2021, bainhira inpata 2-2 kontra Aitana fc iha jogu jornada da hitu ne’ebé halo iha estadiun munispiu Dili kuarta (22/12)
Ho eskor inpata 2-2 halo Assalam amenta ponto 6 hodi sai husi jona degradasi, enkuantu Aitana Fc amenta pontos 5 hodi hein resultadu ikus DIT fc kontra Lalenok United, sei karik mak DIT Fc hetan pontos tolu iha jogu aban, entaun Aitana tenki degradasi ba segundu devizaun.
Tanbé ne’e jogu ekipa rua nia ohin hatudu sira nia jogu hanesan final final hodi hadau tekiti ida atu mantein iha premeru devizaun.
Maibé jogu foin lao deit menutu 8 jogador Jovanio Braz les ona rede Aitana liu husi sota falta ho distansia do’ok, hafoin deveza Lambertu Ximenis komete euru hasoru jogador Jovanio.ikus mai eskor 1-0.
Ho eskor ne’e halo Aitana mos hasai sira nia ritmu jogu hodi fo presaun liu husi bola a’as ne’ebé mak kruza husi Alexandre Noguera, maibé Edit Savio no Fransiatma Ima Kefy la kontrola bola ho diak halo bola tenki sai husi rede Aitana nia sorin.
Pressaun ne’ebé Assalm halo ne’e la hamate Assalam nia dominasaun bola husi lina klaran to’o avansadu,maibé defesil ba Hasam Ramos no Martinho Belo atu ultrapasa area defensivu Aitana nian.
Jogu kontinua ho tensi a’as ba ekipa rua hodi kontra ataka malu liu husi suta ameasa ba malu, maibé Aitana hetan sorte ida ba Edit Savio, bainhira guarda rede Junildo Perreira simu bola lametin hodi monu ba Edit nia ain,maibé bola ne’ebé nia sota kona deit rin baliza.
Sorte a’at akontese ba Assalam Fc, bainhira avansadu Martinho Belo tenki sai seduh husi kampu,tanbá sofre alaiza iha ain.wainhira deveza Aitana Francelinu Belo tebe jogador refere nia ain to’o jogu premera parte termina.
Hakat ba segunda parte iha menutu 48 Fransiatma Ima Kefy doko ona rede Assalam,hafoin hetan bola kruza husi parte liman los halo Aitana muda eskor ba 1-1.
Jogu manas liu tan banhira Hasam Ramos hetan kartaun mean husi arbitu Romario dos Santos Teti duni sai jogador refere husi kampu laran,tanbá protesta arbitu.
Hela jogador nain 10, ikus mai Assalam fc hekis tan rede Aitana Fc iha menutu 62 liu husi jogador Augustu da Costa hodi hasai eskor ba 2-1.
Aitana hahu domina fali jogu hodi halo Assalam fc defesil liu tan atu hetan bola, maibé Aitana mos tenki lakon jogador Francelinu Belo hafoin aribut foti kartaun mean. Tanbá komete euru hasoru Jovanio Braz.
Balansu jogador Frasyatma Kefy lori Aitana responde golu ba rede Assalam iha menutu 75 hodi halo eskor ba 2-2, maibé jogu tenki para menutu balun,t anbá jogador Assalam halo protesta makas hodi troka arbitu Romario dos Santos hatama fali arbitu reserva Bernadinu Marcarinhas.
Tanbá joador Assalam Fc lasimu dezisaun golu refere, hafoin sira nia guarda rede Wahyu Prtama hetan alaiza, hodi hatama fali Adão Duotel, maibe la resulta golu to’o jogu remata.
About Post Author
