DÌLI-(Desportu XYZ) Menisteriu Juventude Desportu Arte e Cultura realiza Marsa Saudavel hodi komemora loron internasionál Juventude bá dala 24.
Marsa Saudavel ne’e hahu husi Palacio prezidenti no remata kampu Bidau Lecidere.
Tema ba Marsa Saudavel ne’e mak ablidade Juventude verde iha dezenvolvimentu sustentablidade báundu.
Diretor Jeral Juventude Desportu Arte no Kultura David Tomas de Deus haktuir, Timor Leste deklara sai hanesan Nasoens unidas ba dala atus-ida-sanulu-resin-ida iha komitmentu hodi komemora loron Juventude iha TImor-Leste, komitmentu husi Governu nia ne’ebè hala’o iha tinan kotuk no agora Servisu hamutuk mòs ho parseiru sira husi UNFPA organisa loron mundial juventude ne’ebè hala’o iha Dìli no Suai Kovalima.
“Iha Dìli halo Marsa Saudavel no loraik sei iha tan konsertu musika,Doa Saun Sangue,deskursus públiku no atividade hirak ne’e sei halo mòs iha Munisípiu Covalima, liuhusi programa hirak ne’e atu hasa’e joven sira nia koñesimentu no kapasidade atu Kuidadu ambiente mòs no matak nafatin, hodi kontribui ba mundu no ba Timor-Leste”afirma DJ David Tomas bá jornalista sira iha Largo Licidere Dìli kinta, (10/08)
Nia dehan, ita halo eventu hirak ne’e atu konsulida fila fali joven sira bele partisipa iha desenvolvimentu kuidadu ambiente verde nafatin i lakleur tan mòs komemora loron Juventude 12 de Novembru nafatin hamutuk ho joven sira hodi halo reflesaun no tuir juven sira nia papèl ida-idak nian no kontribui ba paz, fo espasu ba estadu hodi hadia povu nia moris di’ak.
“kona-ba kaben sedu, isin rua sedu no komete HVS ida mai husi menus husi informasaun no koñesimentu, entaun governu servisu hamutuk UNFPA fò formasaun no sosializasaun ba joven sira bele hado’ok aan husi moras hirak ne’e”
Sorin seluk Representa UNFPA Pressia Arifin Cabo hateten, katak UNFPA hanesan ajensia ONU ida ne’ebè.
Servisu iha area joventude nian, importante tebes ba joven sira entermus mòs hanesan negosiu, empreabilidade, abilidade ba bareira sira seluk no importante investe mòs iha area sira hanesan abilidade verde nian, joven sira iha konsiensia hodi prevene ambiente no dadus
“Dadus husi joventude sira hamutuk 289, 992 (21,7%) maioria idade husi 15 to’o 24, husi nùmeru 36,377 (12,5%) lahatene ne’e no hakerek tanba ne’e UNFPA selebra loron hanesan ne’e atu fò hanoin ba governu no parseiru sira atu haree ba investe iha area joventude nian”nia esplika
Timor hamutuk 30 mil gradua husi eskola sekundariu tinan tinan maibè 12 mil mak ba universitariu, 18 mil sira la asesu ba oportunidade sira seluk.
Tanba ne’e UNFPAT servisu hamutuk ho MJDAC sira laos foku de’it ba iha Hotelaria no restaurante, halo mòs aproximasaun intergradu ne’ebè ligadu ba abilidade verde hamutuk hodi halo investimentu kona-ba informasaun no sentru joventude sira ne’ebè eziste iha Timor-Leste.
Nia hatutan, UNFPA iha ninia programa ida kona-ba edukasaun seksual komprensivu servisu hamutuk ho MJDAC atu forma joven sira iha koñesimentu no abilidade bele dezimina informasaun saude seksual no reproditiva ninia objetivu mak joven sira atu kontrolu no koñesimentu kona-ba sira nia-aan, kona-ba moras hadaet seksual sira mòs bele toma mèdida preventiva atu bele preve moras hirak ne’e. Sira mòs servisu hamutuk ho ministeriu edukasaun no saude hodi fahe mòs informasaun hodi prevene kona-ba saude seksual hodi prepara ba sira nia futuru.(Ekipa Desportu XYZ)
About Post Author
