Dili-(Desportu XYZ) governu liu husi Menistru Juventude Desportu Arte e Cultura Nélio Isaac simu Jogador Ario Xeminis ho Norbertu Olivio da Costa husi Sentru Juvenil Munisípiu Baucau ne’ebé mak reprezenta Timor-Leste bá halao trenamenut iha Asosiasaun Atletic iha Sao Paulo Brazil iha fulan Fevereiru, no ohin fila ona mai Timor Leste.
Reprezentante Sentru Juvenil Munisípiu Baucau ne’ebé mak akompania jogador nain rua iha Brazil Adelinu da Silva hateten,jogador nain rua ne’e aranka husi Timor Leste bá iha Brazil iha loron 6 fulan Fevereiru tinan ne’e,no sira nain rua to’o iha Brazil kontinua kedas trenamentu iha Asosiasaun Atletic iha Sao Paulo Brazil.
“Iha ne’ebá sira nain rua trenu hatudu duni progresu ne’ebé mak di’ak tebes i sira nain rua mós joga iha Kompitisaun lubuk ida no sira nain rua mós Oferese Taxa rua bá klube ne’ebé mak sira halo estajiu bá”dehan Adelinu bá jornalista sira,hafoin hasoru malu ho Menistru Juventude Desportu Arte e Cultura Nélio Isaac iha Salaun MJDAC sesta (11/08)
Nia dehan, reprezentante Sentru agradese bá Menisteriu Juventude Desportu Arte e Cultura ne’ebé mak durante ne’e apoiu orsamentu bá Sentru sira iha Munisípiu hotu tanba ne’e mak ha’u husi Sentru Baucau agradese bá govenru.
“Ohin iha mós klube ne’ebé mak sira nain rua foin dadauk bá iha ne’ebá no iha sira husi Munisípiu rasik mós haruka hela karta ida mai ha’u no entrega ona bá MJDAC tanba sira nain rua iha ne’ebá la’ós joga de’it iha klube,maibé nain ida liu iha selesaun sub 19 Sao Paulo hodi reforsa Munisípiu ne’ebé mak sira nain rua hela bá”nia esplika.
Iha kontinuasaun bá sira nain rua, ne’e depende bá governu,maibé sira nain rua iha ona klube ida husi Dubai Fuzia Reise ne’ebé mak haruka ona karta mai tanba kontratu mai ona,maibé ami sei hare hamutuk ho Federaasaun Futebol Timor Leste FFTL tanba sira fó fulan Setembru atu fila fali ba asina kontratu iha Dubai.
Fatin hanesan Menistru Juventude Desportu Arte e Cultura MJDAC Nelio Isaac informa,agradese bá Sentru trenamentu Sao Paulo nia desponiblidade ne’ebé simu ona jogador na’in rua no nia husu nafatin atu mantein desplina,matenek ne’ebé hetan atu aplika fali iha ita rai liuliu bá Sentru Juvenil Munisípiu Baucau.
Sorin seluk jogador Ario Xeminis konta, senti kontenti tanba ami bá ne’e la arepende,maibé ami konsege hatudu duni performe di’ak no oferese duni Taxa rua bá klube ne’ebé mak ami joga bá.
Entertantu,jogador Ario agora dadauk trenu hela selesaun nasionál Timor Leste sub 19 no Norbertu iha selesaun nasionál sub 16.(Eug)
About Post Author
