DILI-(Desportu XYZ) atu hasa’e kualidade jogador selesaun nasionál Futsal, Federasaun Futebol Timor Leste (FFTL) kontratu Treinador Futsal na’in 2 husi Klube Sakadate FC iha Indonezia atu treinu jogador sira hodi prepara bá partisipa iha jogu Kualifikasaun AFC Futsal 2024.
Adjuntu Sekretariu Jeral, FFTL, Frederico Pereira hatete, bazeia ba partisipasaun Timor Leste nian iha jogu kualifikasaun AFC Futsal 2024 ne’ebé mak Timor Leste tama iha grupu F Tanba ne’e mak kontratu ona Treinador na’in rua.
“ita hato’o pedidu ba iha Sadakate Fc husi Indonezia no sira konkorda no fó impresta Treinador na’in 2 ne’e para bele ajuda iha selesaun nasional futsal nian” tenik Frederico bá Jornalista sira iha konferensia inprensa ne’ebé mak hala’o iha salaun FFTL segunda (21/08)
Frederico dehan,Treinador na’in rua to’o iha Timor Leste ne’e iha sabadu foin lalais ne’e, no konsege asiste kompetisaun jogu liga futsall nian, temporariamente iha ona lista jogador balun, ne’ebé mak sei hahu treinu hahu ohin loron ba selesaun nasional futsal nian.
hare bá partisipasaun Timor Leste nian iha fulan outubru entaun hala’o kontratu ne’e hahu ohin to’o 21 de outubru.
“prezensa treinador na’in rua nian, ami Federasaun fó konfiansa tomak ba iha treinador atu bele halo buat ruma iha kualifikasaun AFC futsal nian”
Iha fatin hanesan Sekretariu Jeral Asosiasaun Futsal Timor Leste, Fernando Baptista hatete, agora dadaun lista selesaun nasional futsal por volta 30 ital jogadores, depois husi jogadores hirak ne’e Treinador rasik hili ona balu i aumenta tan selesaun sira ne’ebé mak antes nee iha ona.
depois liu husi treinu, Treinador rasik mak sei hare i nia mos sei akompanha durante jogu lao, ida ne’ebé mak merese duni atu tama duni iha nia lista.
“ita mos halo ona diskusaun ho FFTL, sira hatete katak atu diak liu ne’e minimu ita halo netik try out ruma iha rai liur” dehan nia.
Entretantu Treinador Ba Selesaun Nasional Futsal Andy Butar, sente kontente tanba hetan konfiansa husi Federasaun Futebol Timor Leste hodi kaer selesaun nasional futsal Timor Leste.
“ida ne’e hanesan dezafiu foun ida ba ita, hau fiar katak sei hetan suporta husi FFTL”
Entrentatu Treinador rua ne’e mak hanesan, Andi Butar Butar no mos Muhamad Gilan.
About Post Author
