DILI – Jogadór joven iha Klube Karketu Dili hamosu record foun iha Kopa FFTL 2020, hafoin nia lori ekipa matak malirin manan iha jogu daruak Kopa nian kontra Sporting de Timor.
Jogadór ho Kamizola 10, ho movel sa’e halo atake no badinas tun mai kontrola no distribui bola iha liña klaran hamosu rezultadu pozitivu iha jogu rua kompete iha kualifikasaun grupu C iha kopa FFTL tinan ida ne’e.
Hasoru Seporting, iha minutu 15+ Gelvanio halo presaun no sempre movimentu tama area risku no lansa shoot on target dala rua, maibé esforsu hirak ne’e sempre satan hosi guarda rede adversáriu.
Iha jogu dahuluk, Gelvanio lori Karketu Dili manan delegadu UNTL, Akadémika FC iha entrada jogu grupu C nian, jogu ne’e Akadémika fila ho rezultadu 2-0.
Vitoria ne’e la sees hosi rezultadu golu ida hosi Gelvanio aleinde esforsu, prodús duni golu ida iha minutu 90 hodi termina jogu no vitória Karketu nian.
Enkuantu jogu horisehik kontra Sporting de Timor, mezmu hasoru difikuldade Kakrketu fila ho oin midar tanba manan adversáriu 2-1. Ho vitória ne’e Gelvanio lori Karketu rekolla pontu 6 no sei falta jogu eliminasaun grupu iha jogu rua tuir tan mai.
Sporting de Timor hasoru karketu termina iha 90, Gelvanio nia naran bolu nafatin hanesan akontese iha jogu anterior sai hanesan mellór jogadór iha jogu refere. Ho nune’e Gelvanio maka jogadór ne’ebé ba dahuluk halo record sai man of the match ba dala rua tui tuir malu. (ato)
About Post Author
